Тарих • 09 Мамыр, 2022
Үлкендердің «е заман-ай» деп, өткенге күрсініп, келешекке тыныштық тілеп отыратынын кейінгі жылдары шын түсіндік. Әйтпесе сонау жылдардағы ашаршылық, репрессия, Екінші дүниежүзілік соғыс біздерге елес секілді еді. Жер үшін, ел үшін бабаларымыздың баудай қырылғанын біле тұра, бейбіт те бейғам өмірдің бағасын сезбеппіз ғой. Кейінгі жылдары деп отырғаным, жер әлемді дүрліктірген пандемияның кесірінен туған-туыс, дос-жарандармен қауышудан қалдық. Оны қойшы, аты жаман індеттің кесірінен жарқылдап жүрген жақындарынан көз жазып қалғандар қаншама?! Иә, мұндай аласапыранды ел Желтоқсан оқиғасынан кейін көрген жоқ шығар. Желтоқсан демекші, індеттен енді құтыла бергенде «Қаңтар қасіреті» шырқымызды бұзды... Міне, осынау дүрбелеңдерден соң кешегі өткен батырлардың, зиялылардың мемлекет мүддесі деп құрбан болып кеткендеріне еріксіз бас шайқайсың, бас иесің. Бірақ бағасына жете алып жүрміз бе, оның бәрін уақыт өзі реттейді. Жетпіс жыл бұрын одақты қорғап, 397 фашистің көзін жойған батыр Төлеуғали Әбдібековтің өзіне кеше ғана Президент «Халық қаһарманы» атағын берді. Иә, әбден лайық. Кеш те болса, ерлігі еленіп жатқанына күллі қазақ қуанды.
Медицина • 08 Мамыр, 2022
Аурудың емес, өлімнің көбейгені қауіпті
Онкологиялық орталықтың операция бөлімі. Жұмыс уақыты бастала сала хирургтер білек сыбана ота жасауға кіріскен. Түске дейін операция залдарының бірі де босамайды. Дәрігерлердің айтуынша, тоқсаныншы жылдардың соңында күніне 2-3 операция жасалса, қазіргі кезде 10-12 операцияға дейін жасалады. Бұл дегеніміз – аурудың көбейгендігі емес, скринингтің нәтижесі.
Фотогалерея • 08 Мамыр, 2022
Алтайдағы аламан - Фоторепортаж
Құланқара, Бұланқара, Желмая сынды тұлпарлар тұяғының ізі қалған Алтайдың бөктерінде дүбірлі бәйге өтті. Отан қорғаушылар және Ұлы жеңіс күніне орай ұйымдастырылған шарада 100 шақырымдық аламан, тай жарыс, жорға, аударыспақ, күрес, арқан тарту сынды ұлттық спорт түрлерінен атбегілер, балуандар бақ сынасты, бап сынасты.
Аймақтар • 05 Мамыр, 2022
Катонқарағайда Ұлттық табиғи парк құрылғалы құрып кеткен аң-құстар көзге түсе бастады. Кейінгі жылдары ауыл ішіне тұяқты аңдардың кіріп кетуі таңғалатындай жағдай емес. Оны қойып, ауыл ішінде аюдың қонжықтары асыр сала ойнап жүргенін де ауылдықтар көрген. Ал биыл күн жылына сала Шыңғыстай ауылының іргесіне қос аққу қоныпты.
Қоғам • 05 Мамыр, 2022
Қазақстан халқының бірлігі күнін Шығыс Қазақстан елі көтеріңкі көңіл күймен атап өтті. Орталықтағы салтанатты концерт түрлі ұлттардың биімен басталды. Алдымен қазақ бишілері ортаға шықты. Кейін орыс, неміс, татар, өзбек, ұйғыр, корей ұлтының билері көрсетілді.
Экология • 04 Мамыр, 2022
Қоқысқа тастай салатын қақпақ біреудің өмірін сақтап қалатынын білесіз бе? Кәдімгі бөтелкенің пластмасса қақпағы қатерлі ісікке шалдыққан балаларға өмір сыйласа, екінші жағынан табиғатты аз да болса тазартуға септеседі. Жуықта кітапхана қабырғасынан ашылған «Жасыл үйде» қақпақ жинау акциясы басталған.
Аймақтар • 03 Мамыр, 2022
Орталықтан он шақырым жердегі Алғабас ауылының проблемасы шаш етектен. Тұрғындары арыз-тілектерін жаудырғанда, неден бастап жазарымызды білмей састық. Елімізде ауыз судың сандаған бағдарламасы қабылданғанымен алғабастықтарға әлі күнге дейін бір тамшы су бұйырмаған. Ауыз суы былай тұрсын, тұрғындар бұлаққа су шығара алмай отырған жоқ па?! «Малым – жанымның садағасы...» дейтін жұрт жайылым мен шабындық таппай шыр-пыр. Сарып ауруы ол, жайлап тұр...
Өнер • 29 Сәуір, 2022
Шеберханадағы дарқан дала бейнесі
Николай Аштема. Белгілі суретші. Жазған картиналары қазақы қанық бояуға тұнып тұрады. Әр полотносынан ұлттық рух сезіледі. Әнеки, Абылайды ақ киізге көтеріп, хан сайлап жатқан суреті қандай?! Алаш Орда тақырыбында өткен көрмеде Шәкәрімді бейнелепті. Абайды да әр қырынан зерттеген...
Аймақтар • 27 Сәуір, 2022
Табиғи ұлттық парк аумақтарында қорықшылар аң-құстарды қорғап ғана қоймайды, жылына екі рет санақ жүргізіп, тіркеп отырады. Жуықта «Катонқарағай» ұлттық табиғи парк аумағында көктемгі санақ жұмыстары аяқталды.
Аймақтар • 26 Сәуір, 2022
Abai IT-Valley – білімге ұмтылған жастар үшін
Семейдегі Әлихан Бөкейхан атындағы университетте ақпараттық технологияларды дамытуға бағытталған Abai IT-Valley, яғни «Абай IT алқабы» атты технологиялық кластерінің құрылуына байланысты баспасөз мәслихаты өтті.
