Пікірлер .
Бүгінде өмірімізді ақпараттық технологияларсыз елестете алмайтынымыз белгілі. Тіпті адам баласы әлмисақтан әлеуметтік желілерге кіндігі байланып қалғандай күйге жеттік. Замана игілігі кейде әлін білмегеннің беліндегі шоқпар, есі кірмеген баланың қолындағы өткір пышақтай қорқынышты. Кибералаяқтар ақпараттық технологиялардың арқасында оңай байлыққа кенеліп, талай адам жиған-тергенінен әп-сәтте айырылып отырған жағдайы бар. Ақшадан айырылған бір бөлек те, ал абыройдан айы рылғанның орны қалай толмақ?
20 Қыркүйек, 2024
«Өз үйіңнен жау шықса, қашатын жер табылмас» дегенді баяғыда айтып кеткен ата-бабаларымызды нағыз дала данышпандары дерсіз. Бір ғана сөйлемге байланған тоқтам өз жақындарына залымдық, әлімжеттік көрсететін кісәпірлердің әлмисақтан болғанын айғақтамай ма? Кісәпір демекші, ілгері заманда қалтаға түсетін ұрыларды осылай атаған екен. Ал бұл заманда өз отбасына кесірін тигізіп, тағдырын тас-талқан еткендерді кісәпір демей, кім дейміз?
26 Наурыз, 2024
Бала күнімізде араларында үріп ауызға салғандай сүйкімді бес бірдей ұл-қызы, оқыған-тоқыған, қызметі бар ерлі-зайыптылар ажырасқанда ақылға сыйғыза алмай, аңтарылғанымыз есімізде. Ол заманда ілуде біреу болмаса, екінің бірі оңайлықпен ажыраса салмайтын. Оның үстіне ересек адамдардың арасында түрлі келіспеушілік, дүрдараздық аздай көрінетін.
31 Қаңтар, 2024
Жаңа жыл басталғалы бері қара басына жұмыс істеп келе жатқан жеке кәсіпкерлер мен такси жүргізушілерінің мобильді аударымдардан бас тартуы жұртты әбігерге салып отыр. Қандай да бір қызмет түрімен күнелтіп жүрген отандастарымыз табысын түгел тартып алатындай күй кешіп жатыр. Ал осының бәрі де білмегендіктен, жаңа талапты толық түсінбегендіктен туындап жатқаны аян.
14 Қаңтар, 2024
Кадрлық ауыс-түйіс, қаржылық, саяси себептерге байланысты Үкіметте түрлі өзгерістер жүріп жатады. Жаңа министрліктер құрылады, қосылады, тіпті жабылып қалғандары да бар. Мәселен, кеңес өкіметінің тұсында Құрылыс материалдары министрлігі болған. Осынау министрлік қазіргі ТМД кеңістігінің шартарабында жүріп жатқан ауқымы орасан құрылыс нысандарына материалдардың өндірілуін, жеткізілуін, әсіресе сапасын қатаң қадағалап, ісін жүргізіп отырған. Бертінде осы министрлікті қайта құру туралы мәселе қаузаған материалдар да жазыппыз. Әлбетте, бұл – басы бөлек әңгіме.
05 Қараша, 2023
Қазіргі балалар ештеңеден таршылық көрмей, емін-еркін жүр. Өсіп келе жатқан ұл-қызына өзегін жұлып берердей өбектеп, өмірін сарп ететін тағы да – сол әке-шеше. Дегенмен қазіргі ұрпақтың көріп отырған игілігі көп болғанымен, соның өтеуіндей – қауіп-қатері одан да асып түседі.
26 Маусым, 2023
Бүгінде қай дүкенге кірсең де қаптамалары көздің жауын алатын, ата-бабаларымыздың түсіне де кірмеген азық-түліктің түрі көп қой, шіркін. Алайда бір арба тамақ алсаң да берекесі, дәмі, нәрі жоқ. Тіпті көпшілігі денсаулыққа зиян екенін ішіміз біліп тұрады. Бұл аз десеңіз, қарның шұрқырағанда жылдам дайындалатын көше тамақтары толып тұр. Ал енді наны алты айға дейін ашымай тұра беретін фастфудтардың ағзаға зиян екенін әркім біледі. Біз де байқатпай фастфуд индустриясын балалатып отырған елдің қатарына қосылып кеттік. Мұның нәтижесі көп күттірген жоқ, іркілдеген етжеңді балалар, аурушаң жастар көбейді.
11 Маусым, 2023
Жаһандық індет бүкіл әлемді уысында ұстаған кезеңде үйінде жатып-ақ жұртты сазға отырғызып кеткен алаяқтардың түрлері көп болғанын білеміз. Интернет арқылы жүзеге асатын қылмыстық эпизодтардың белең алғаны соншалықты, құқық қорғау органдары оның «үздік ондыққа» кіретін түрлерін жариялауға мәжбүр болғаны да есте.
08 Мамыр, 2023
Біреулер Отан үшін опат болса, енді біреулер – зұлымдықтың, біреулер айтпай келген апаттың құрбаны. Ал өз ақымақтығынан ажал құшқандарды көрген сайын ақымақтықтан өлгендерге берілетін «Дарвин сыйлығы» еске түседі. Әйтпесе, қаншама адам дәл осы сәттерде ауыр дерттен, шипасы табылмаған кеселдермен арпалысып, Құдайдан денсаулық, ғұмыр тілеп жатқан жоқ па?
18 Сәуір, 2023
Әне-міне дегенше әлемді гүлге бөлеген әйелдер мерекесі де өте шықты. «Ал енді бүкіл жыл бойы, келесі 8 наурызға дейін күнде Әкелер күні болады ғой, иә?» дейді үйдегілер қалжыңдап. Қарап отырсақ, ақиқатында солай емес пе?!
09 Наурыз, 2023
«Базар барсаң – бақыр бар, барсаң бақыр түгіл тақыр жоқтың» кері. Қазір интернет арқылы жалған жұмыс, өтірік вакансия ұсынатын компаниялардың, өз пайдасына жегіп қоятын желілік бизнестің қара тізімін оңай тауып алуға болады. Жұмыспен жарылқаушылардың қара тізімін жасауға септесіп отырғандар да сол – секта сияқты «сетевиктердің» айласынан әрең сытылып шыққандар. Өкінішке қарай, көп адам осыны өз басынан өткермей түсіне бермейтіндіктен, үш күні қор болған жігіттің мысалын баяндап көрелік.
08 Ақпан, 2023
Әлі аузынан анасының сүті де кеппеген жасөспірімдер арасындағы әлімжеттік пен әділетсіздік қалай пайда болады? Естіген адамның жаны түршігетін, түрме сияқты жабық мекемелерде, қылмыс әлемінде ғана орын алатын озбырлықты оң-солын танымаған мектеп оқушылары қайдан біледі?
02 Қараша, 2022
«Ұят» деген ұғымға қатысты ұлттық ұстаным халықаралық стандарттарға сай келе ме деген мәселе төңірегінде бас қатырып жүргенімізге біраз уақыт болған екен. Әлемді уысында ұстаған коронавирус індетіне дейін елімізде «Қыз тағдыры» дейтін жақсы жоба болды. Сол бастаманы қолға алуға түрткі болған, қайта-қайта қоғамды дүрліктіріп, туған баласын әжетханаға, қоқыс жәшігіне тастаған, күре жолда қалдырған оқиғалардың белең алуы, балиғат жасына толмай жатып жүкті болған әрбір мың жасөспірімнің орта есеппен 36 баланың нәрестелі болуы еді. Соларды адам жанын түршіктіретін қылмысқа баруына итермелейтін елдің «ұят болады» дейтін сөзі.
14 Қазан, 2022
Егер айналамызда ардың шегін аттаған келеңсіз жағдайлар қайталана берсе, онда іс насырға шаппай бірден дабыл қағылуы қажет. Қай кезде де ақша үшін туған анасын сатып кететіндер табылатындықтан, тыйым мен жаза болмаса, төмендегідей оқиғалар қайталана бермек. Ал қашан да зиян шегетін – аңқаулар ғана емес, өз менмендігі мен жалған, тіпті жоқ атақтың құрбандары. Сонымен...
11 Шілде, 2022
Ит пен мысыққа илікпейтін қоғам
Күнделікті өмірде көпұлтты көршілеріміздің арасында жиі талқыланатын тақырыптар бар. Күн жылына бастаса сусыз қалатын көшелер, үп еткен желден жалп етіп сөне салатын жарық, ойдым-ойдым жолдарды жөндеу сияқты жыл құсындай қайта-қайта оралатын мәселелерден бөлек, мектептен қайтқан балаларды жолдан өткізбейтін бұралқы иттер, бір көршінің босап кеткен қабаған төбеті, тағы бір көршінің жоғалып кеткен мысығы тақылеттес жайттар тіршілігіміздің ажырамас бөлшегі екенін көпшілігіміз байқай бермейміз.
19 Сәуір, 2022
Жалғызсыраған баламен сөйлесіңіз
Мына аласапыран өмірден мән табу, өз орныңды табу бала түгілі, кейде үлкен адамдарға да оңай емес. Тағдырдың түрлі талқысын жалғыздық кешкенде, түсіністік таппағанда ересектердің өзі де көтере алмай қалады. Жазмыштың қандай сынағы болса да дем беретін, сүйейтін, жігерлендіретін жанашыр біреудің болғаны әркімге керек.
10 Наурыз, 2022
Соңғы кезде БАҚ-та немесе блогерлердің жазбаларында «газлайтинг» және «абьюз» терминдері жиi пайдаланылады, бірақ оның мағынасын жазып отырғандардың өзі де толық түсіне бермейді.
07 Ақпан, 2022
Таңбалау және бизнестегі байбалам
Сырттан тасығанымыз, өзіміз өндіргеніміз бар, сөрелердегі тауарларды түгелдей таңбалау қаншалықты қисынды? Осы мәселе қозғалса болғаны, өндірушілер неге байбалам салып шыға келеді? Шындығында тауарларды таңбалау бағалардың қымбаттап, өнімнің азаюына алып келуі мүмкін бе?
28 Қазан, 2021
Қай кезде болсын, қарама-қайшылыққа толы мына қоғамда кей елдер тіпті қоқыстың өзін кәдеге жаратып, орасан пайда тауып жатқанда, енді бір елдерде ең нашар экологиялық сценарий орын алып отыр.
28 Қыркүйек, 2021
Адам баласының ең ақымақ өкілдеріне берілетін «Дарвин сыйлығы» дейтін бар. Эволюция атасы Чарльз Дарвиннің құрметіне аталған бұл «атақ» ақымақтығымен өзін өзі жер жастандырып, адамдардың генофондын тазартқандар үшін тағайындалады. Бірақ өзінің түбіне өзі жеткендер мұндай сыйлыққа ие болғандарын білмей өтеді.
25 Тамыз, 2021
