Өнер • 10 Қараша, 2021
Әлемдік бейнелеу өнеріндегі ең әйгілі суретшілердің шедеврлеріндегі майда штрихтың өзінен құпия сыр аулап, жұмбағын шешуге талпынып жататын өнер зерттеушілерінің тірлігі былайғы жұрт үшін тым түсініксіз көрінетіні бар. Рентген қортындысын талдаған дәрігердей тілсіз картинаға сонша үңілгенде не тапқысы, қандай жұмбақты шешкісі келетіні, керісінше, басқалардың таңданысын тудырып жатады. Бірақ қиялына қанат бітіп, қылқаламды қолына алғанда санасы мен саусақтарын құдайдың өзі сүйемелдеп, шабытпен салдырған суреттердің астарында, расында да, ғажайып сиқыр бар екені анық. Себебі әр суретшінің есімінде өмір сырын танығысы келген бейнетті тағдыр бүркемеленіп, оның әр картинасының түбінде уақыт үні, ал әр жағылған бояуда жұмбақ әлемнің бір мәні жасырулы тұрады және ең ғажабы, ол шындық сөзбен суреттелгеннен гөрі, тамашалаған адамның өз түйсігімен танылып, сезімін тербей алса ғана жарқ етіп мәні ашылмақ.
Әдебиет • 09 Қараша, 2021
Қаламгердің биобиблиографиясы жарық көрді
Қазақ көркемсөзінің шебері, ерекше қолтаңбасы бар белгілі жазушы-драматург, Қазақстанның еңбек сіңірген қайраткері, Халықаралық Ш.Айтматов сыйлығының лауреаты Рахымжан Отарбаевтың туғанына биыл 65 жыл толар еді. Осы атаулы күнге орай және Тәуелсіздіктің 30 жылдық мерейтойы аясында дүниеден өткен жазушының өмірі мен шығармашылығына арналған «Рахымжан Отарбаев биобиблиографиясы» кітабы үш тілде жарық көрді. Кітаптың таныстырылымына жазушының жақындары, қаламгер достары, Атыраудан келген арнайы делегация, кітапсүйер қауым қатысты.
Өнер • 01 Қараша, 2021
Жазылғанына жүз жылдан асса да, кезеңдерге құрдас болып, уақытпен бірге түлеп, балет деген атаудың бір баламасына айналып кеткен атақты «Аққу көлі» екі күн бойы Алматы жұртына естен кетпес кеш сыйлады. Операның отаны Италия болса, балеттің өніп, өркен жайған құтты мекені – Ресей, бекзат өнерді бүкіл әлемге мойындатқан Мәскеудің Үлкен театрының қос бірдей белгілі бишісінің орындауында аққулар тағдырын тамашалау – адам өмірінде де, мәдениетте де күнде бола бермейтін сирек сәттердің бірі.
Аймақтар • 29 Қазан, 2021
Алыста қалған ауылды еске алғанда кернейінен түтіні будақтап, сексеуілдің шоғына сақылдап қайнап, екі иінінен дем алып, қою күрең шайымен жан жадыратып, дастарқанның сәнін келтіретін ақ самаурын аңсатпай қоймайды.
Қазақстан • 28 Қазан, 2021
Тарихтың көшбасшы ұлы ұмытылмайды
Жуырда Қазақстан Республикасы Президентінің Архивінде көрнекті мемлекет және қоғам қайраткері, Қазақстан Республикасы Ұлттық ғылым академиясының академигі, Мемлекеттік сыйлықтың және Президенттің бейбітшілік пен рухани келісім сыйлығының лауреаты Манаш Қабашұлы Қозыбаевтың 90 жылдығына арналған «Тарихшы және оның заманы» атты дөңгелек үстел болып өтті. Шара Қазақстан Республикасы Тәуелсіздігінің 30 жылдығы аясында ұйымдастырылды.
Кино • 27 Қазан, 2021
Отандық кино саласындағы білімнің болашағы
Болашақ мамандығын кино индустриясымен байланыстыруды жоспарлап жүрген жас журналистер, сыншылар мен сценаристерді кім және қалай даярлайды? Әл-Фараби атындағы Қазақ ұлттық университетінде өткен пікірталас алаңының басты тақырыбы өзектілігімен назар аудартты.
Өнер • 22 Қазан, 2021
Ұлттық киномызда тарихта із қалдырған жеке адамның тағдырына негізделген өмірбаяндық фильмдер жоқтың қасы. Алғаш «Мұқағалидың» жарнамасы пайда болғанда кинодағы культ кейіпкерлердің кемшіндігі еске түсті. Дерегі аздық етсе де, дәлдіктен ауытқып, автордың қиялымен байытылған дүние болса да, көрермен өзі табынатын адамы туралы тереңірек білгісі келеді және бұл тарапта жасалған сынық сүйем дүние далада қалмайды. Себебі өнер тілінде суреттелген талант тағдыры туралы кез келген көркем туындыға көрермен қызығушылығын жоғалтқан емес.
Өнер • 21 Қазан, 2021
«Қарагөзді» қоймаған қазақ театры жоқ. Талай талантты буынның тұсауын кескен М.Әуезовтің шығармасын әр кезеңнің режиссерлері өзінше қабылдап, жаңаша сахналауға тырысып келеді.
Өнер • 18 Қазан, 2021
Камералық зал композитордың есімін иеленді
Қазақстан Республикасы Тәуелсіздігінің 30 жылдық мерейтойы қарсаңында қасиетті өнер шаңырағы Жамбыл атындағы мемлекеттік филарманиясының басшылығы жағымды жаңалық сүйіншіледі. Қазақстан Республикасы Мәдениет және спорт министрлігі және Алматы қаласы әкімдігінің қолдауымен Қазақтың Жамбыл атындағы мемлекеттік филармониясының камералық залына КСРО Халық әртісі, Халық қаһарманы, Мемлекеттік сыйлықтың лауреаты, дирижер, күйші-композитор Нұрғиса Атабайұлы Тілендиевтің есімі беріліп, мемориалдық тақтасы ашылды.
Өнер • 17 Қазан, 2021
Камералық зал композитордың есімін иеленді
Қазақстан Республикасы Тәуелсіздігінің 30 жылдық мерейтойы қарсаңында қасиетті өнер шаңырағы Жамбыл атындағы мемлекеттік филарманиясының басшылығы жағымды жаңалық сүйіншіледі.
