Пікірлер
Биылғы шілде біз үшін халықаралық және елдік елеулі көңіл-күйден басталды. Шанхай ынтымақтастық ұйымына мүше мемлекеттер басшылары кеңесінің жиыны әлемдік абыройымызды арттырды. Жаһандық татулық пен сұхбаттастыққа жол ашатын Астана декларациясы кейінгі жылдардағы бейдауа қауіп-қатер мен дағдарысты реттеуге ықпал етеді деген үмітіміз зор. Ең бастысы, ШЫҰ-ға төраға болған Қазақстанның үйлестіруімен, жетекшілігімен дүниежүзіндегі 3,5 миллиард халықты құрайтын мемлекеттер басшылары осындай пәтуаға келіп отыр. Мемлекет басшысы Қасым-Жомарт Тоқаев халықаралық құрылымды «сын-қатерлерге төтеп беретін мейлінше тиімді ұйымға айналдыру» мәселесін дер кезінде көтеріп, қолдау тапты. Бұл ретте халқымыздың «Пейіліңді кеңге сал, қырманыңды дөңге сал» деген даналығы еске түседі. Оның арғы жағынан Шығыс шайыры Рудакидің «Ақылды татулыққа, ақымақ қатулыққа ұмтылады» деген ойы аңғарылады. Астана төрінде ШЫҰ-ның 2035 жылға дейінгі даму стратегиясының қабылдануы және еларалық тұрақтылыққа арқау сан саланы қамтыған 20-дан аса құжатқа қол қойылуы – сарабдал пейіл мен елшіл маңдай тердің арқасы. Енді ұйым кеңістігі кеңейе беретіні айқындалды.
06 Шілде, 2024
Биылғы баспасөз күнін жаңа «Масс-медиа туралы» заң қабылданған кезеңде атап өткелі тұрмыз. Бұл – БАҚ үшін аса жауапты шақ. Аталған заң, біріншіден, медиа саласы мамандарының, екіншіден, ақпаратқа жанкүйер қалың жұртшылықтың қоғамдық сараптамасынан өтті. Мемлекет басшысы бұл елдік құжатта Әділетті Қазақстанның ашықтық пен біліктілік, жауапкершілік пен заңдылық ұстанымдары нақты көрініс тапқанын баса айтты.
28 Маусым, 2024
Сот залы. Кәмелет жастан енді асқан екі жігіт есірткіні сақтағаны, мұнысы аздай таратқаны үшін соңғы үкімін тыңдағалы тұр. Екеуінің де анасы ботадай боздап отыр. Бұл – алқаби болған танысымыздың әңгімесі. Оның сөзінен соң басымызға бір сұрақ келді. Жауабын алқабиден естігенде бәрінің басында ненің тұрғанын түсінгендей болдық.
27 Маусым, 2024
Әйгілі Махатма Ганди: «Әлемді өзгертеміз десек, біз өзіміз сол өзгеріске айналуымыз керек» дегені мәлім.
15 Маусым, 2024
Биылғы алапат су тасқыны кезінде жұрттан жылу жинаған қайырымдылық қорлары аз болған жоқ. Бірақ олардың көбі жиналған қаражат қанша екені, қандай мақсатқа жұмсалғаны туралы есеп берген емес. Ал әлеуметтік желіде әртүрлі себеппен ақшалай жәрдем сұраушылар көбейіп тұр. Алайда олардың қайсысы шын мұқтаж екенін анықтау оңай емес.
14 Маусым, 2024
Үлкен ойшыл, ақын Шәкәрім Құдайбердіұлы «Шыннан өзге Құдай жоқ, Анық Құдай – Шын Құдай, Ұқпай қалма алаң боп, Шын болмаса, кiм Құдай?» деген екен. Ғұламаның бұл пайымын тәпсірлер болсақ, «құдай» деп отырғаны ақиқат. Соның ішінде шынайы білімнің ақиқаты. Қазіргі таңда қазақ қоғамындағы басты мәселе – білім пен ақпараттың орны ауысып кетті. Шәкәрім бабамыз айтқан «шын білім» көмескіленіп, ақпараттық дүниелер алға шықты. Бұл өте қатерлі құбылыс. Өйткені шын білім, ақиқат, нағыз ілім салтанат құрмаған қоғамның болашағы күңгірт.
13 Маусым, 2024
Аудан атауларын бірізді етсек...
Елімізде кеңес заманында құрылған бірқатар ауданға ұлттық ерекшелігімізге сәйкес Абай, Амангелді, Жамбыл, Исатай, Махамбет сынды тарихи тұлғалардың тегі емес, есімі берілген. Сол кезде үстемдік құрған орыс мәдениетінің ықпалымен Жангелдин, Байғанин аталған аудандар да бар.
07 Маусым, 2024
Президент Қасым-Жомарт Тоқаев Ұлттық құрылтайдың Атырауда өткен үшінші отырысында: «Ынтымағы жарасқан, ортақ мақсатқа ұйысқан ұлт ешқашан ұтылмайды, ештеңеден құр қалмайды. Бұл істе зиялы қауым айрықша рөл атқарады. Әсіресе елге сөзі өтетін аға буынның орны бөлек», деді.
16 Мамыр, 2024
Ұлыбритания университеттерінің бірінде тағылымдамадан өтіп жүргенімізге жарты жылдан асты. Жақында зерттеу жұмысымызға байланысты өзге қалаға жол түсті. Табан тіреген шаһарда қазақтар, оның ішінде осы елге қоныстанған отбасылар – бір қауым ел. Бірі – дәрігер, бірі – мұғалім, енді бірі – ғалым. Елден жырақ кетуге түрлі себеп түрткі болған. Көбі «Арқада қыс жайлы болса, арқар ауып несі бар?», дегенге саяды.
11 Мамыр, 2024
Ұлы Абай бабамыз айтып кеткен бес дұшпанымыздың бірі – бекер мал шашпақ һәм ысырапшылдықты тыю мақсатында өңірлердегі ардагерлер ұйымдары мен мешіттер игі бастама көтеріп, әсіресе кісісі дүние салған қаралы үй иелерінің өлім жөнелту рәсімдері мен ас беруге шамадан тыс қаржы шығындауына жол бермеуге бағытталған шешімдер қабылдап жатқаны – құптарлық жайт.
23 Сәуір, 2024
Бүгінгі білімнің мәні – мәдени трансформацияда. Сын-қатерлер тұсындағы сұрақ: қоғамға кім керек және маман қоғамнан өз орнын қалай табады? Трансформация мәні осында! Ізденген жас азамат бәсеке, кәсібилік тұрғысынан өзіне қажетті және елінің бүгіні мен ертеңіне керекті білім ала білуі тиіс.
12 Сәуір, 2024
Біраз уақыт бұрын Дінмұхамед Қонаевтың «Сталиннен Горбачевке дейін» атты кітабын оқып отырып, мына бір қызықты дерекке кезіктім. Тасқын суды тоқтататын «қарабура» әдісі жайында жазыпты. Көп адам біле бермейтін бұл әдіс шын мәнінде назар аударарлық.
11 Сәуір, 2024
Қайраткер тұлға Амангелді Айталының «Алтын Орда» газетінде (19 наурыз, 2009 жылы) жарияланған сұхбатында: «Отаршыл идеология 1 қаңтарды Жаңа жыл ретінде санамызға терең сіңірді. Қазір көпшілік халық 22 наурызды күткеннен гөрі 1 қаңтарға аса мән береді. Бұл – санаға сіңген дәстүрдің күштілігі. Енді осы қалыптасып, санаға сіңісті болып кеткен дәстүрді өмірден, психологиямыздан қалай шығарып, Наурызды тойлауға көшеміз?», деген еді.
03 Сәуір, 2024
Сыршыл ақын Исраил Сапарбай ұлт болмысы мен мінезі туралы аз өлең жазған жоқ. Солардың ішінде «Мінез» атты мына өлең жолдарының ар жағынан жарқ еткен жасын мінездің жаңғырығы естіледі.
01 Сәуір, 2024
Еліміз тәуелсіздік алғалы бері күн тәртібінен түспей келе жатқан толғақты тақырыптың бірі – тіл мәселесі. Мемлекет құраушы елдің ана тілі, құнарлы да қасиетті қазақ тілінің есіктегі басын төрге шығару жөніндегі талқы, текетірес, мемлекеттік тілді өмірдің барлық саласында батыл, еркін қолданып, аясын кеңейту жолындағы күрес әлі күнге толастар емес.
31 Наурыз, 2024
«Өз үйіңнен жау шықса, қашатын жер табылмас» дегенді баяғыда айтып кеткен ата-бабаларымызды нағыз дала данышпандары дерсіз. Бір ғана сөйлемге байланған тоқтам өз жақындарына залымдық, әлімжеттік көрсететін кісәпірлердің әлмисақтан болғанын айғақтамай ма? Кісәпір демекші, ілгері заманда қалтаға түсетін ұрыларды осылай атаған екен. Ал бұл заманда өз отбасына кесірін тигізіп, тағдырын тас-талқан еткендерді кісәпір демей, кім дейміз?
26 Наурыз, 2024
Әр жылдың Наурызында ел тарихының жаңа бір парағы ашылып, өткен мен бүгіннің парқын айқындауымызды – әділеттіктің жөні деп қабылдаймыз. Байсалды бабаларымыз «Жаңа айда жарылқа, ескі айда есірке!» деген тілегін үйлесімділік Иесіне бағыштағаны анық.
22 Наурыз, 2024
Бұйырса, бүгін Ұлық Ұлыс немесе Алтын Орданың әз шаһары Сарайшық жұртында – Атырауда Ұлттық құрылтай үшінші жиынының секциялар жұмысы басталады. Ертеде Жайық ағыны қатты, айдыны шалқар Ұлы Су аталыпты. Араб саяхатшысы Әбу әт-Тәнжи яки Ибн Батутта: «Дүниеде Бағдаттан кейін жүзбелі көпірді осы Сарайшықтан көрдім. Отыз сарайы, төрт мешіті көз жауын алады» деп жазыпты. Осы шаһар қорымында Мөңке Темір, Тоқта хан, Жәнібек, Әмір Оқас, Қасым хан, Шаһ Мамай, Жүсіп хан сынды жеті қағанның сүйегі бақилық мекенін тапқан. Мұны пантеон десек те болады. Сарайшық – биыл 800 жылдығы аталып өтіп жатқан Жошы ұлысының осы өңірдегі Сарай Бату мен Сарай Беркеден кейінгі үшінші ірі орталығы.
14 Наурыз, 2024
Көкірегінде махаббат пен мейірім мәңгі ұялаған ардақты аналардың, аяулы қыз-келіншектердің төл мерекесі – миллиондаған адамның жанын жайдары шуаққа, жақсы мұратқа бөлейтін шұғылалы мейрам. Қарлы, қыраулы қыстан кейін бүкіл жаратылыс атаулыға жан бітіретін көгілдір көктем келеді. Сол көркем көктем ең алдымен аналардың жүрек жылуынан, ыстық ықыласынан бастау алады, көбеңсіп қалған көңілдерде қуаныш пен шаттықтың туын көтереді, сана-сезімді серпілтіп, ақ тілектердің тиегін ағытады.
07 Наурыз, 2024
Биыл қаңтарда Мэриленд университетінің экономисі Томас Дрексель Федералды резерв жүйесі (ФРЖ) басшысына жасалатын саяси қысымға қатысты зерттеу жасап, 1933 жылдан 2016 жылға дейінгі аралықтағы (Рузвельттен Обамаға дейін) АҚШ президенттерінің ФРЖ өкілдерімен өзара кездесу саны мен сағаттары туралы деректерді жинап шыққан. Сонда 83 жыл ішінде Президенттердің ФРЖ өкілімен 800 рет кездескені анықталыпты. Әрине, Томас Дрексель бұл үшін аз тер төккен жоқ – 83 жылдағы бүкіл президенттің күнделікті жұмыс кестесі бойынша архив дерегін түгел ақтарған. Айтпағымыз Томастың төзімі туралы емес, әлбетте.
26 Ақпан, 2024