Руханият • 24 Қараша, 2020
«Ясауи ізімен» экспедициясы Созақ өңіріне сапарлап, қасиетті нысандарды аралады
Түркі әлемінің тұлғасы Қожа Ахмет Ясауи тарихын түгендеу және толыққанды мәліметтер топтастыру һәм тың деректер іздеу мақсатында «Әзірет Сұлтан» мемлекеттік тарихи-мәдени қорық-музейі «Ясауи ізімен» атты экспедиция ұйымдастырды.
Оқиға • 23 Қараша, 2020
Іргесі 1888 жылы қаланған, дүние жүзіне танымал «National Geographic» атты журнал бар. Бұл басылым – ғалам назарын аударған мәдени мұралар, археологиялық жаңалықтар, жан-жануарлар әлемі мен мұхит түбіндегі тіршілік иелерінің өмірі секілді тақырыптарды қаузайды. Сонымен қатар түрлі-түсті фоторепортаж жариялайды. Журнал әлем халықтарының бірнеше тілінде жарық көреді. Құрылтайшысы – АҚШ-тағы Ұлттық география қоғамы.
Оқиға • 23 Қараша, 2020
Елбасының туындысы таныстырылды
Қазақстан Республикасы Сыртқы істер министрлігі мен Түркі мәдениеті халықаралық ұйымы (ТҮРКСОЙ) бірлесіп, Елбасы кітапханасында –Қазақстан Республикасының Тұңғыш Президенті – Елбасы Кеңсесінің қолдауымен түрік тілінде басылып шыққан «N.A. Nazarbayev. Ulu Bozkirin mirasi» («Н.Ә. Назарбаев. Ұлы дала мұрасы») кітабының таныстырылымына арналған халықаралық онлайн-конференция өткізді.
Оқиға • 20 Қараша, 2020
«Ақиқат» жеңімпаздары анықталды
«Ақиқат» пікірсайыс клубы колледж студенттері арасында Қазақстан Республикасының Тұңғыш Президенті күніне орай Елбасы кітапханасының ауыспалы кубогы жолында онлайн-турнир өткізіп, жарыс жеңімпаздарын анықтады.
Ең қысқа әңгіме • 20 Қараша, 2020
Қырандар хикаясы (этнографиялық этюдтар)
Халқымыздың ежелден келе жатқан бір өнері – құсбегілік. 1253-1255 жылдары қазіргі қазақ даласын көктей өтіп, шығысқа сапар шеккен еуропалық саяхатшы Гильом де Рубруктің күнделік жазбасында: «Көшпенділер бүркіт, сұңқар сияқты аңшы құстарды көп ұстайды. Оларды қолдарына отырғызып аң аулайды» десе, итальялық жиһанкез Марко Поло жазыпты: «Ұлы ханның (Құбылайды айтады) Баян және Минған атты ағайынды бектері бар. Халық оларды «Құсбегі» деп атайды. Себебі, олар ханның қол астындағы 20 мың құсбегілер мен аңшыларды басқарады. Минған басқарған 10 мың адам қызыл түсті киім киіп, Баян бастаған 10 мың адам көк түсті киім киіп, ханмен бірге саятқа шығады. 10 мыңдықтың 2 мыңы аңшы иттерді жетектеп жүреді. Екіге бөлінген аңшы-құсшылар күншілік жерден шеңбер жасап аң-құстарды қыспаққа түсіреді. Дәл осы сәтті көру керемет тамаша әсер береді» дейді. Көптеген этнограф зерттеушілер саятшылық Орталық Азияда пайда болып, кейін әлемнің басқа жерлеріне тараған дейді. Атап айтқанда, Шығыс Қазақстан жеріндегі «Шілікті» қорғанынан: басы артына қайырылған шеңгелі мен көзі перуза тастармен көркемделген 36 дана бүркіт тәрізді құстың құйма қапсырмасы табылса, Өскемен қаласының маңынан табылған Құрық қорғанынан (б.д.д ІV-ІІ ғ.ғ) мәйітпен бірге жерленген төрт бүркіттің қаңқасы шықты. Сол сияқты, ХVІ ғасырдың соңында қабылданған «Жеті жарғы» жорасында: «Қыран құсты өлтірген адам олардың иесіне бір құл немесе күңнің құнын төлесін» деген бап бар. Осы орайда, ел ішінде айтылып, бүгінге жеткен қыран құстар жайлы хикаяларды ұсынып отырмыз.
Оқиға • 18 Қараша, 2020
64 мың Грузин футболшысы Годердзи Махарадзе 1996 жылы 26 мамырда 8 сағат 12 минут 25 секунд бойы 64 мың рет допты жерге түсірмей басымен қақпақылдап (жонглер) Гиннестің рекордтар кітабына енген.
Оқиға • 18 Қараша, 2020
Өткен ХХ ғасырдағы әлем спортының жарық жұлдыздарының бірі – диск лақтырудан екі дүркін Олимпиада чемпионы Нина Аполлоновна Понаморева.
Кәсіпқой бокс • 18 Қараша, 2020
Мұхамед Әли боксқа қалай келген?
Кәсіпқой бокс тарихында аты мәлім қара түсті боксшылардың көбі дерлік бала кезінде жанжалға бейім, тіпті қылмысқа да тартылып үлгергенін байқаймыз. Ал бала Кассиус Клей орта мектепте сабақ үлгерімі жақсы, тиянақты, тәртіптілігімен көзге түскен. Ендеше бұл баланы боксқа итермелеген құдірет не?
Руханият • 18 Қараша, 2020
Көшпенділердің керме мәдениеті
Атақты Ақтанберді жырау: «Желіде құлын жусаса, Кермеде тұлпар бусанса...» деп толғайды. Осыған қарағанда біздің ата-бабаларымыз тұлпарын бусантып керме құрған. Біздің білуімізше, керменің бірнеше түрі һәм мәдениеті болған.
Таным • 18 Қараша, 2020
Жақында ҰҒА академигі, Болония Ғылым академиясының корреспондент мүшесі (Италия), Қазақстан Республикасының Ұлттық музейі жанындағы физикалық антропология зертханасының меңгерушісі Оразақ Смағұлов пен М.Әуезов атындағы Оңтүстік Қазақстан мемлекеттік университеті Республикалық антропология зертханасының аға ғылыми қызметкері Айнагүл Смағұлованың авторлығымен қазақ халқының кешенді физикалық антропология анықтамасына негізделген «Қазақ халқы және ата тегі» атты аса құнды еңбегі жарық көрді.
