• 06 Қыркүйек, 2017
Алпыс екі тамырында ата-баба қаны айналып жатқан қазақ баласына төрдің қадірі мен қасиетінің қаншалықты биік екенін айтып жатудың өзі артық шығар, бәлкім. Десе де, «балапан басына, тұрымтай тұсына кеткен» алмағайып уақытты бастан өткергеннен кейін, баяғы бабалар басып өткен рухани әлемге қайырыла қарап, барымызды бағалап, жоғымызды түгендеуге молынан мүмкіндік туған осы бір тәтті де сәтті рухани жаңғыру кезеңінде сол төріміздің иесі һәм киесі төңірегінде ойымыздағы оралымдарды ортаға салып отырмыз.
Әдебиет • 14 Шілде, 2017
Ол – бағзыдан жеткен түпкі сенімді серт етіп, түрік бітігінде «мың жылға, түмен күнге жететін» өсиетін өрнектеген Тоныкөк пен ислам өркениетіне тәу еткен Ясауи аралығындағы рухани кеңістікті ұластырып тұрған біртуар кемеңгер. Жағырафиялық тұрғыдан қарасақ алтын бесік, баба мекен Алтай, оғыз-қыпшақтың атажұрты Сыр бойы, кейінгі кенже топырақ Кавказ бен Анадолы аймағын өз есімі арқылы біріктіріп тұрған толағай тұлға.
• 06 Шілде, 2017
Пассионарлық рухтың парасатты қаласы
Күлтегін ескерткішінде: «Түрік қағаны Өтүкен қойнауында отырса, елде мұң жоқ. Өтүкен қойнауында отырсаң, мәңгі елдігіңді сақтайсың» деп, тасқа жазып қалдырған екен. Одан беріде данышпан әл-Фараби «парасатты қаланы», Асанқайғы «Жиделібайсынды» аңсады. Бабалар армандаған Өтүкен мен Ергенеқон, жер жәннаты Жерұйық пен Жиделібайсын – соның бәрі бүгінде ақиқатқа айналып, Астанамен астасып жатқандай...
• 16 Маусым, 2017
Тарихымызда қалың көпшілікке танылмай тасада қалған тұлғалар қаншама десеңізші. Қай қиырда жүрсе де еліне елеулі еңбек еткен ерен ерлердің қайсібірі тәуелсіздікпен бірге туған жерімен қауышып жатса, кейбірі көне көздердің қатары сиреген сайын ұмытылып барады. Жас ұрпақ біле бермейтін, интернеттен іздесеңіз де мардымды ақпарат табыла қоймайтын кесек тұлғаның бірі – біздің кейіпкеріміз Әмір Нәжіп.
Қазақстан • 08 Маусым, 2017
Астана саммиті: дамудың жаңа дәуірі
Бүгін, ертең елордада Шанхай ынтымақтастық ұйымына қатысушы мемлекеттердің басшылары бас қосады. Іргелі ұйым құрылғаннан бергі 16 жыл ішінде саммитке алғаш рет 6 қатысушы емес, ШЫҰ-ның толыққанды 8 мүшесі қатысуда.
• 06 Маусым, 2017
Атамекен эпикалық санада айшықталады, туған жер қанымыздың түйіршігінде, жанымыздың түкпірінде, тарихи санамыз бен таным-түйсігіміздің терең қатпарында қатталады. Бұл тұрғыдан алғанда, туған жер тұрған жермен өлшенбейді.
• 31 Мамыр, 2017
Тағдырдың талай теперішінен өтіп, азат күнге, аңсарлы арманына қол жеткізген еліміз үшін бүгін аса маңызды күн. Бүкіл Қазақстан халқы Елбасы Нұрсұлтан Назарбаевтың осыдан тура 20 жыл бұрын арнайы Жарлығымен бекітілген атаулы дата – 31 мамырда Саяси қуғын-сүргін және ашаршылық құрбандарын еске алу күнін атап өтеді.
Руханият • 26 Мамыр, 2017
Дәуірлер мен замандар ауысса да, сан қилы қоғамдық жүйелер алмасса да, қара тастың өзін кеміріп жоқ ететін уақыт пен кеңістік сапырылысса да, өлшемі кеміп өзгермейтін, мыңқ етіп мызғымайтын, бояуы оңғанымен ішкі нәрі құлпырып қайта түлей беретін, халыққа сарқылмас өзен-өмірдің мәңгі сарынын жалғайтын рухани жауһар құндылықтар, мәйекті мәдени игіліктер болады. Мұндай баға жетпес ақыл-ой қазыналары жекелеген халықтарды ғана емес, тұтас адамзатты, бір өңір ғана емес, орасан кеңістікті өркениет бесігінде тербетіп, ұшы-қиыры жоқ салқар уақыттың қоңыраулы рәмізіндей алыс ғасырлардан күмбірлеп үн қатып тұрады. Адам-қоғам-табиғаттың ілгері жылжыған осынау ішкі үнінің дабысын естіп, нәзік ырғағына зер салып, тамыр бүлкілін жүрек лүпіліне үйлестіріп, айналасын таңғажайып әсерге бөлей алатын қайталанбас тұлғалар болады. Мұндай дарабоз жандар ұлттық ой-сананы жаңа белеске көтеріп, тұтас бір халықтың интеллектуалдық өресін өрісті көкжиекке жетелей береді.
• 03 Мамыр, 2017
Тарлан тарихымыз бен түйсік-санамыздың терең қатпарларында қалған жұмбақтарды аша түсетін құнды еңбегінде Рашид-ад-дин жан-жағы қамал сынды заңғар таулармен қоршалған Жерұйық мекен – Ергенеқоннан түскен Бөрте-чино жайында баяндайды. Оның «Уа, қасиетті көк бөрінің оғландары, ата жұртымызды қайтарып алайық» деген сөзінен кейін жауынгер жұрт тауды балқытып, жол салып, туған жеріне оралды дейді аңыз.
• 06 Сәуір, 2017
Өткеннің өнегесі – бүгінгінің баға жетпес байлығы. Тарих – адамзаттың шындыққа айналған тағдыры. Жеткенін бағамдап, барын бағалаған қашанда жүрісінен жаңылмайды. Тарихтан тағылым түйгендер өз тағдырын айқындай алады. Бұл ретте Бродель айтқандай, тарих тұлғаларды тудырады, сол сияқты тарихты да тұлғалар жасайды.
