Редакция таңдауы
«Рухани Жаңғыру» Қазақстандық қоғамдық даму институтының» Басқарма төрағасы тағайындалды
Кемелбек Ойшыбаев «Рухани Жаңғыру» Қазақстандық қоғамдық даму институты» коммерциялық емес акционерлік қоғамының Басқарма төрағасы болып тағайындалды. Бұл туралы Ақпарат және қоғамдық даму министрлігінің баспасөз қызметі хабарлады.
28 Маусым, 2019
Асқар Мамин Парламент депутаттарына парламент сессиясы жұмысын ұзарту туралы ұсыныс білдірді
Парламент Мәжілісінің спикері Нұрлан Нығматулиннің төрағалығымен Парламент Палаталарының бірлескен отырысы өтті. Отырыс барысында Премьер-Министр Асқар Мамин депутаттарға VI шақырылымындағы төртінші сессияның жұмысын ұзарту туралы ұсыныс білдірді. Бұл туралы Премьер-Министрдің баспасөз қызметі хабарлады.
28 Маусым, 2019
Бақытжан Сағынтаев қызметінен босатылды
Президент Қасым-Жомарт Тоқаевтың Жарлығымен Бақытжан Әбдірұлы Сағынтаев басқа жұмысқа ауысуына байланысты Қазақстан Республикасы Президенті Әкімшілігінің Басшысы қызметінен босатылды. Бұл туралы Ақорданың баспасөз қызметі хабарлады.
28 Маусым, 2019
Үкіметтің арнайы қаулысына сәйкес, енді 17 мамыр – Байланыс және ақпараттандыру қызметкерлерінің күні, 28 маусым – Бұқаралық ақпарат құралдары қызметкерлерінің мерекесі. Басқаша айтқанда, медиа салада қызмет етіп жүргендердің жеке-дара кәсіби мейрамы бекітілді. Алайда бұл қолына қалам ұстап, ақпарат таратуға асыққандардың мәртебесі өзгерді дегенді білдіре ме?
28 Маусым, 2019
«Астана» халықаралық қаржы орталығы – ел дамуының бірегей құралы
«Астана» халықаралық қаржы орталығының (АХҚО) ашылғанына бір жылға таяды. Бүгінде орталықта көптеген шетелдік компаниялар мен ұйымдар табысты ынтымақтастық орнатқан. Солардың бірі – Ұлыбританияның қаржылық және қаржыға байланысты кәсіби қызметтер индустриясымен айналысатын «TheCityUK» бизнес-ұйымы. Осы уақыт аралығында қандай жұмыстар атқарылды, орталықтың ендігі бағыты қандай болмақ екенін білу үшін «TheCityUK» ұйымының Сыртқы байланыстар және стратегиялық мәселелер жөніндегі басқарушы директоры Гари Кампкинмен тілдескен едік.
28 Маусым, 2019
«Жасыл» экономика жолындағы жаңғыру
Бүгінде аса маңызды міндеттердің біріне айналған энергия қорларын үнемдеу шаралары, оның сыртында энергияның баламалы түрлерін өндіруді дамытуға, күн, жел, су энергиясын пайдаланатын технологияларды белсенді енгізуге елімізде стратегиялық міндеттер кезең-кезеңімен іске асырылып келеді. Елдегі электр энергетикасы саласын реформалау нәтижесі энергия тапшы өңірлерде үнемділікке қол жеткізуге болатынын көрсетті, әсіресе шалғай аймақтарды дамытудың маңызды факторына айналып отыр.
28 Маусым, 2019
Заң орындалмайды емес, орындауға ықылас жоқ
Жол жүрісі заңы бойынша мүгедектердің көлік құралдарын тоқтатуға белгіленген жерлерде мүгедек емес жандардың көлік құралын тоқтатуы немесе аялдап тұруы әкімшілік құқық бұзушылыққа жатады. Жол жүру ережесіне қатысты өзгерістерге сай мұндай жағдайда 597-баптың 4-тарауына сәйкес 10 АЕК, яғни 25 250 теңге айыппұл салынады.
28 Маусым, 2019
Есірткі айналымы: құрдымға кеткен картельдер
БҰҰ-ның есебінше, жыл сайын әлемдік есірткі трафигінің айналымы қаржыға шаққанда 700-800 млрд долларға бағаланады. Бұл сома мұнай нарығындағы көрсеткішпен пара-пар. Есірткі заттарының жоғары өтімділігі аталған индустрияның белең алуына сеп болып отыр. Осыған орай заңсыз бизнестің Қазақстандағы және әлемдегі конъюнктурасын бағамдап көруді жөн көрдік.
28 Маусым, 2019
1996 жылдың басы. «Халық кеңесі» газетінде жұмыс істеп жүрген кезіміз. Бір айдан кейін «Егемен Қазақстанға» келеміз деген ой қаперімізге де келмеген. Кейде өмірдің өзі күтпеген жерден тарту жасап, ағысы асау арналардан бір-ақ шығарады екен. Ағысы асау дегенім, «Егемен Қазақстан» мен үшін дәл солай елестейтін.
28 Маусым, 2019
Белгілі журналист Совет Шиманбай жайлы бір үзік сыр
Алтын бесік Ақтоғайдан шыққан қазақ журналистикасының дарабозы Совет Оспанғалыұлы Шиманбай еді. Өзі өмір бойы қызмет бабымен біреулерге телефон соғып, таныстырғанда: «Шиманбайдың Советі», деп мағмұрланып, марқайып, бүркітше қомданып қалатын. Өзі отыз жыл қызмет еткен бұрынғы «Социалистік Қазақстан», бүгінгі аға газет «Егемен Қазақстандағы» әріптестері де осылай атап кетті.
28 Маусым, 2019
Халқымызда «Жау жағадан алғанда, бөрі етектен тартады» деген қанатты сөз бар. Мұны Арыс қаласындағы қару-жарақ қоймасының жарылуына байланысты әлеуметтік желілерде алыпқашпа әңгімелерді қарша боратып, сапырып жатқан адамдарға байланыстырып айтуға болады. Себебі отандастарымызды бір үйдің балаларындай жұмылдырған төтенше оқиға салдарына құлақ тігіп, алаңдап отырған ағайынды «сұмдық» ақпараттармен үрейлендірушілерді «етектен тартатын бөрі» демеске лажың жоқтай.
28 Маусым, 2019
Апат болған қаладағы ағайын үйлеріне оралады
Арыстағы апатқа төртінші күн. Елдігіміз сынға түскен, сыналған ауыр күндердің аяғы көңіл демеген жаңалыққа ұласып келеді. Ақмешітке жиналған арыстық ағайынның жанайғайын, мұң-зарын, талап-тілегін ескерген өңір басшысы Өмірзақ Шөкеев «эвакуацияланған тұрғындарды Арыс қаласына қайтып көшіреміз», деді.
28 Маусым, 2019
Борыш жүктемесі қалай жеңілдетілмек?
Мемлекет басшысы Қасым-Жомарт Тоқаевтың бірқатар әлеуметтік санаттағы азаматтардың қарыз жүктемесін жеңілдету жөніндегі Жарлығы қазақстандықтардың ертеңгі күнге сенімін еселей түсті. Соған қарамастан аталған мәселенің байыбына бармай, қоғамда әртүрлі алыпқашпа әңгімелердің де қаулай беретіні түсінікті. Сондықтан мемлекет тарапынан жасалып отырған қамқорлық туралы ақпараттандыру өте өзекті мәселе. Біз қолда бар деректерге сүйеніп, қоғам тарапынан болуы мүмкін ықтимал сұрақтарға аз-кем тоқтала кетуді жөн көрдік.
28 Маусым, 2019
Жасандылықтан аулақ болған абзал
Мақұлданған емле ережелерінің төрт тармағына тиесілі ұсыныспен шектелмекпін. Олай болса, 11-тармақтың (Сөздер бірыңғай жуан не жіңішке үндесіммен жазылады: azamat, yntymaq, bosaǵa, turmys; ásem, memleket, izet, úmit, sóılem.) ескертуіндегі: «Кейбір кірме сөздерде үндесім сақталмай жазылады: quzіret, qudіret, muǵalim, qyzmet, qoshemet, aqіret, qasıet, qadir, kitap, taýqіmet, qazіret» деген ережеге мынадай ұсынысым бар: - құзыр мен құдырдың төркіні бір. Сондай-ақ ақыр, қазыр қош, қадыр сөздері – жуан буынды сөздер. Мұғалім деп жазып жүрген арабтекті сөзді морфемаға жіктесек, мұғалым болып шығады. Кітап сөзі кезінде китаб деген араб сөзін бұзбау ниетінен шыққан, қазақшасы кітәп болады, соңғы буында «ә» келетін сөздер (кінә, куә) сияқты қолданылады. Сондықтан бұларға ереже үндестікке бағынбайтын қосымша жалғануы ретінде тағайындалуы қажет. Сонда бұл сөздер құзырет, құдырет, қошамет, мұғалым, ақырет, қадыр, кітәп, тауқымет, қасырет болып жазылмақ.
28 Маусым, 2019
Қазақ хандығының тарихында ел билеген хандар көп болса да есімдері отандық тарихта алтын әріппен жазылуға лайықтылары санаулы ғана. Тарих олардың есімдерін халқына сіңірген еңбектеріне қарай бағалап, бүгінге дейін жеткізіп отыр. Керей мен Жәнібек хандар, Қасым хан, Хақназар хан, Тәуекел хан, Тәуке хан секілді Есім ханның есімі де жазба дерек мәліметтері мен ауыз әдебиетінің материалдары арқылы ел тарихында сақталған. Зерттеушілердің міндеті олардың ел тарихындағы алар орны мен атқарған рөлін анықтап, ел жадында мәңгі қалдыру болып табылады. Осыған орай, біз бұл мақаламызда 1598-1628 жылдары қазақ тағын иеленген Есім ханның тарихи тұлғалық болмысы мен тарихи рөлін қарастырмақшымыз.
28 Маусым, 2019
«Ер қанаты – ат» деген сөз қазақта ежелден бар. Жылқы түлігін қасиетті жеті қазынаның біріне балап, ғасыр қойнауынан жақұт болып жеткен жырларда, дәуір жүгін арқалаған дастандарда азаматы мен қазанаты қоса суреттеліп отырған. Дала данышпаны хакім Абайдың да жылқыға деген көзқарасы ерекше болған. Біз мұны ақынның шығармалары мен замандастарының естеліктері арқылы білеміз. Елбасы Нұрсұлтан Назарбаев өзінің «Ұлы даланың жеті қыры» мақаласында қазақ халқының атқа міну мәдениетін: «Ат үстінде жүрген көшпенділер тақымына басқан сәйгүлігіне неғұрлым еркін мініп жүруі үшін биік ер-тұрман мен үзеңгіні ойлап тапты. Бұл жаңалық салт атты адамның ат үстінде қаққан қазықтай мығым отыруына, сонымен бірге шауып бара жатып қолындағы қаруын еш қиындықсыз және неғұрлым тиімді қолдануына мүмкіндік берді» деп айрықша тоқталғаны белгілі.
28 Маусым, 2019
Қабылданған қарарды мойындар емес
Өткен ғасырдың орта шенінде, дәлірегі 1949 жылы құрылған, 50-ге жуық ел мүше болып кірген, штаб-пәтері Страсбургте (Франция) орналасқан, кеңесші орган мәртебесіне ие Еуропа Кеңесі Парламенттік Ассамблеясының (ЕКПА) Ресейді қайта қабылдау туралы шешімі бірқатар мемлекеттің қарсылығын тудырып отыр.
28 Маусым, 2019
Арыс 17 секторға бөлініп жөнделеді
Арыс қаласындағы жағдай облыс әкімі Өмірзақ Шөкеевтің жіті назарында.
27 Маусым, 2019
Президент Маңғыстау облысының әкімі Серікбай Трұмовты қабылдады
Мемлекет басшысына Маңғыстау облысының негізгі әлеуметтік-экономикалық даму көрсеткіштері, Жаңаөзен қаласын кешенді дамыту жоспары және мемлекеттік бағдарламалардың орындалуы жөнінде есеп берілді. Бұл туралы Ақорданың баспасөз қызметі хабарлады.
27 Маусым, 2019
Қырғызстанның экс-президенті Алмазбек Атамбаев ерекше құқығынан айырылды
Жогорку Кенеш экс-президент Алмазбек Атамбаевты ешкімнің тиіспеуі жөніндегі құқығынан айыру туралы шешім қабылдады. Дауыс беру ашық түрде өтті. Бұл туралы Кабар агенттігіне сілтеме жасай отырып Қазақпарат хабарлады.
27 Маусым, 2019
