Пікірлер
Мектеп асханасында – мейрамхана бағасы...
Еліміздің жаңа тарихында енді бұрынғы Қазақстан, һәм Бірінші Республика болып жазылатын кезеңде кездейсоқ адамдар да «ебін тауып» министр болып тағайындалып, білім саласының да, ғылым саласының да берекесін қашырғандықтан, қоғам қайраткерлері, Парламент депутаттары, зиялы қауым өкілдері кейінгі кезде Білім және ғылым министрлігін екіге бөлу қажет деген пікір білдіріп жүрді.
30 Маусым, 2022
Байқадыңыздар ма, біздің Үкіметтің жұмыс істеу стилі өзгерген секілді. Көп жағдайда астанадағы ат шаптырым кабинетінен алты қадам аттап шығуға құлықсыздық танытатын министрлер қазір өңірлерді аралап жүр. Бұл – үлкен өзгеріс. Өйткені қаржы мен билік орталықта болғанымен, проблеманың бәрі өңірлерде ғой.
29 Маусым, 2022
Болашағымызға бейқам қарамайық
Жасыратыны жоқ, биік мінберлерден болсын немесе алқалы жиындарда: «Болашақ – жастардың қолында», «балалар – жарқын болашағымыздың кепілі», дегендей ұранды сөздерді жиі естіп жатамыз. Ақыры кемел келешегімізді жас ұрпақпен байланыстырады екенбіз, онда олардың озық идеяларын жүзеге асыру мен қолайлы өмір сүру үшін қандай жағдайлар жасалып жатыр? Алғашқы қадамдарын енді жасай бастаған балалардың қауіпсіздігін толығымен қамти алдық па?
28 Маусым, 2022
Әлеуметтік мәртебесі жоқ мамандық
Еліміздің журналистер қауымы көрнекті қаламгер, мемлекет және қоғам қайраткері Шерхан Мұртазаның «Журналист атан түйе секілді. Арқалағаны алтын болғанымен, жегені – жантақ» деген сөзін ұмыта алар емес. Себебі бұл ащы да ақиқат сөз айтылғалы ондаған жыл өтсе де, қолдарына қалам мен микрофон ұстап, ақпарат майданының алғы шебінде жанталасып жүрген әріптестеріміздің жағдайлары онша өзгерген жоқ.
27 Маусым, 2022
Сұрақты бұлай төтесінен қоюымыз бекер емес. Бұған дейін Қазақстан көпұлтты мемлекет деп талай-талай мінберлерде мәлімдедік. Бірақ Жаңа Қазақстанда мұндай ұстанымның маңызы бар ма? Ұлт деген не?
23 Маусым, 2022
Ұлттық идея бір-бірімізді тыңдаудан басталса игі
American Dream немесе «америкалық арман» ұғымы Америка Құрама Штаттарының миллиондаған халқын өркениетті өмірге жетелейтін ұлттық идеяға айналғалы қашан?! Сол секілді қытай халқының ұлы реформаторы Дэн Сяопиннің реформалар мен ашықтық саясаты да ханзу жұртын бір тудың астына жұмылдырып, Қытай елі дамудың жаңа кезеңіне қадам басқанын тарихтан білеміз. Ал Қазақстан халқын қандай ұғым біріктіреді?
22 Маусым, 2022
Жаңа Қазақстан құру міндетінің ауқымына кіретін мәселелер өте көп. Бұл орайда сыбайлас жемқорлықтан мүлде ада ел ретінде танылу Жаңа Қазақстанның басты белгісі болуға тиіс екенін ерекше атап өткіміз келеді.
21 Маусым, 2022
Бүгін совет-герман соғысының басталған күні. Жиырмасыншы ғасырда адамзатқа алапат апат әкелген жаһандық соғыстан біз қандай сабақ алдық? Төңіректе болып жатқан қанды қырғындарға қарасақ, базбіреулер тарихтан тиісті тағылым алмаған сияқты. Жер-шарын жалмаған жаһандық соғыс тақырыбын әркім өз мүддесі тұрғысынан түсіндіріп, насихат құралына айналдырып әлек.
21 Маусым, 2022
«Менімен ойнамаңыз, мен блогермін!..»
Мемлекет басшысы Қасым-Жомарт Тоқаев Ұлттық құрылтайдың Ұлытауда өткен алғашқы отырысында сөйлеген сөзінде: «Отбасын асырау үшін табанды еңбек етіп жүрген, заңға бағынатын адамдар құрметке ие болу керек. Өкінішке қарай, бізде көше бұзақылары, жауапкершіліктен жұрдай блогерлер және масылдық пиғылдағы айқай шығаратын адамдар бүгінгінің батырына айналды. Депутаттар мен атқарушы билік өкілдері соларға ғана баса мән беретін болды. Түрлі деңгейдегі шенеуніктер солардың ғана талабын орындауға жүгіреді. Орталықтағы және аймақтардағы билік барлық азаматтың мұң-мұқтажына бірдей қарауға тиіс», деп қоғамымызда кейінгі жылдары жиі байқалып жүрген келеңсіз құбылысқа назар аударды.
20 Маусым, 2022
Мемлекет қамқор болса, медицина сапалы болады
Бала кезімізде мұғалім мен дәрігерден артық мамандық жоқтай көрінуші еді. Ал қазіргі балаларға мұғалім не дәрігер бол десең, ат-тонын ала қашады. Адамзатқа ең қажетті екі мамандықтың еліміздегі қадір-қасиетін осыдан-ақ бағамдайсың. Қазір қайта мұғалімдердің мәртебесі айқындалды, әлеуметтік жағдайы да жақсарды. Есесіне дәрігердің статусы мен жағдайын әлі күнге жақсарта алмай отырмыз. Медицина саласының сапасы да сын көтермейді.
19 Маусым, 2022
Президент Қасым-Жомарт Тоқаев ел тізгінін қолға алғаннан бері іргесі Ұлытауда қаланған Ұлық Ұлыс – Алтын Орда тарихына ерекше қолдау білдіріп, Жошы хан тарихи-мәдени салтанат кешенін абаттандырды, елдік рухқа ерекше серпін беретін Ұлытау облысын құрды. Енді міне, ұлағатты мекенде ұлтты ұйыстыра түсетін Құрылтай шақырып отыр.
15 Маусым, 2022
Игілікте әрқайсысының үлесі бар
Осы өткен отыз жылда біздің басты идеологиямыз еліміздің тәуелсіздігі болып келгені белгілі. Тәуелсіз ел болдық, ата-бабамыз аңсаған басты арманға қол жеткіздік деп мақтандық, шаттандық, бөрігімізді аспанға аттық. Тәуелсіздік бізге аяқастынан аспаннан түскендей болған соң, расында да, бұл бір ғажайып кезеңдер болды. Бүкіл ел болып еркіндікті сезіндік. Енді осы еркіндігімізді ешкімге бермейтініміз анық.
14 Маусым, 2022
Тектінің тұяғы, өнегелі әулеттен тараған жұрнақ Ахат Шәкәрімұлы 1992 жылы «Жұлдыз» журналының 11 – санына жарияланған «Менің әкем халық ұлы - Шәкәрім» атты мақаласында: «Қазақта екі «м» бар, бірі – «мақтан», бірі – «мансап». Мақтанбайтын, мақтанға мастанбайтын адам аз. Мақтанда тазалық, әділдік болмайды. Мақтаншақ – байысам, басқадан ассам дегізіп, арсыздыққа шейін апарады. Ал «мансап» – бұл «мансапқорлық», әкім болсам, барлығына өзім қожа болсам, бар адамды бір шыбықпен айдасам деген ең айуандық пиғылға апаратын, дүниені бұзатын кеселдің бірі. Бұлар адам баласының басын да қоспайды, адалдықты, адамгершілікті істетпейді» деп әкесінің аузынан өз құлағымен естіген сөзді жазыпты.
13 Маусым, 2022
Осыдан тура үш жыл бұрын, 2019 жылы 12 маусымда Қасым-Жомарт Тоқаев ант беріп, Қазақстан Республикасының Президенті қызметіне ресми кіріскен еді. Сынаққа толы осы күрделі кезеңде өткен отыз жыл таразыланып, ауқымды реформалар мен бүкіл халықтық референдум арқылы жаңа дәуірдің парағы ашылды.
12 Маусым, 2022
Маңғыстау облысында 18 жастағы бозбала TikTok түсіремін деп суға батып кетті. Қайғылы оқиға Ақтау қаласындағы Самал-2 шағын ауданына қарама-қарсы жағалаулардың бірінде болған. Үш дос видео түсірмек болып, теңізге секірген. Екеуі жағаға шыққанымен, үшіншісі сол күйі суға кетеді. Құтқарушылар 2004 жылы туған Бейнеу тумасының мәйітін бір күн өткеннен кейін әрең тапқан.
08 Маусым, 2022
Онлайн кредиттеу опа бермей тұр...
Ақпараттық технологиялар ғасырының адам игілігіне арналған ғаламат жаңашылдықтарын меңгеруде Қазақстан ешбір елден кем қалмауға тырысып-ақ жатыр. Алайда «Аттыға еріп жаяудың таңы айырылыпты» демекші, заң үстемдік құрып, құқықтық тәртіп мықтап орныққан озық мемлекеттер ойдағыдай пайдаланып отырған кейбір ноу-хау біздің елдің даму деңгейінің ерекшелігі ескерілмей енгізілсе, оң нәтиже беруі екіталай екені байқалып отыр. Онлайн кредиттеу – соның айғағы.
07 Маусым, 2022
Сенім қазына-байлықтан да артық
Бойын күдік пен үрей билеген адам біреудің басына түскен жағдайын түсініп, оларға қиындықтан құтылуға көмектесе ала ма? Жоқ, әрине. Туындаған осындай мәселені шешу үшін кісіге алдымен қуат керек, жақсы көңіл күй қажет. Ондай адамның ішкі жан дүниесінде әлдебір күйзелістің болмағаны абзал.
02 Маусым, 2022
Қаржы тапшылығы қажытпасын десек
«Табысының кемінде оннан бір бөлігін өзіне және отбасының болашағына жинайтын адамның басына түбінде байлық қонады». Бұл – әлемдік экономикалық әдебиеттің классикасына айналған әйгілі «Вавилондағы ең бай адам» кітабының авторы Джордж Клейсонның сөзі. Расымен отбасылық әмиянды сауатты жоспарлаудың өзі – үлкен өнер. Дамыған елдерде қаржы сауаттылығына баулу, соның ішінде ақшаны үнемдеуге, оны ұқсатып жұмсауға және бюджетті жоспарлауға жастайынан тәрбиелейді. Ал бізде бюджеттің өзі жабық тақырып деңгейінде.
01 Маусым, 2022
Мемлекет басшысы Қасым-Жомарт Тоқаев өткен жылы қаңтар айында жариялаған «Тәуелсіздік бәрінен қымбат» атты мақаласында тарихымыздың ақтаңдақ беттері туралы, соның ішінде ХХ ғасырда орын алған екі дүркін алапат ашаршылық туралы атап өтіп: «Тарихымыздың осы ақтандақ беттері әлі күнге дейін жақ-жақты зерттелмей келеді. Тіпті ғалымдардың арасында ашаршылық құрбандарының нақты саны туралы ортақ пайым жоқ. Ала-құла деректер және оның себеп-салдары жайлы әртүрлі көзқарастар қоғамды адастырады. Тиісті тарихи құжаттарды жинап, жиналған мәліметтерді аса мұқият зерделеу керек», деген еді.
30 Мамыр, 2022
Бүгінде балабақшаға баратын жасқа толса да тілі шықпай былдырлап жүрген бөбектердің көбейіп жатқаны жиі байқалады. Бала дамуындағы бұл кідірістің ең негізгі себебінің бірі – гаджеттердің кері әсері. Белең алып бара жатқан жағдайды айтып қанша жерден байбалам салғанымен, бұған қатысты әлі нақты байлам жоқ. Технологияның ықпалынан туған қоғамдағы осынау өзгерістер әлеуметтану ғылымында мәдени кешігу деп сипатталады.
29 Мамыр, 2022
