Редакция таңдауы
Ядролық қауіпсіздікті сақтау маңызды
Бүгінде ядролық технологияларды адамзат өмірінің қай саласында да тиімді пайдалануға болатынын ғалымдар дәлелдеді. Бұл ретте Ядролық физика институтының ғалымдары соңғы жылдарда ғаламдық экологиялық сипат алған, тіршілік көзі – суды, азық-түлік өнімдерін залалсыздандыруда радиациялық өңдеу әдісінің заманауи мүмкіндіктерін пайдалану қажеттігін алға тартып отыр.
16 Ақпан, 2023
Қазақстанның азық-түлік нарығы бір тұрақтала алмай қойды. Арагідік қандай да бір өнім түрі тапшылыққа ұрынып, тұтынушыларды дүрліктіріп қоятыны бар. Биылғы кезек пиязда сияқты. Осыдан айға жуық уақыт бұрын мемлекет пияз экспортына 3 ай мерзімге шектеу қойған болатын. Бұған себеп – Пәкістандағы табиғи апат (су тасқыны). Аталған ел әлемдегі аса ірі пияз өндіруші болып саналады. Енді олар апат салдарынан пиязды жеткілікті деңгейді өндіріп, тасымалдай алмаған соң, импорттаушы нарықтар Қазақстаннан сатып алуды көздейді.
16 Ақпан, 2023
Қазақ поэзиясы – әдебиетіміздің алтын діңгегі. Осы бір жаһұт діңгектің жарқырап көрініп, талайды қызықтырғанымен өзіне кім көрінгенді жақындата қоймас қиқар мінезі бар. Ол маңайына тек таңдаулыларды ғана, тамырынан талантының дүбірлі дүрсілі анық естілетін саңлақтарды ғана жібереді. Сүзгісі қатал, таңдауы таза, іріктеуі әділ. Міне, осынау сүзгі-іріктеуден іркіліссіз өткен сөз зергерлерінің бірі – Қорғанбек Ғалымтайұлы Аманжол. Өйткені, қазақ әдебиетінің берекесін кіргізген, рухани әлемімізде құбылыс тудырған Абай, Мағжан сынды алыптардың ұлы жорығына ілесіп, қазаққа пайдасын тигізуден өңге тілегі жоқ ақын өлеңдерінің өзегінде өшпес рух, ұлттық аңсар, тұңғиық сыр, ізгілік, адам болмысының қыр-сырын мәністеген мәнер, бәрінен де қазақтың арын оятып, намысын жаныр жанайқай, тіліміз бен ділімізге оралуға шақырған азаматтық адал үн бар.
16 Ақпан, 2023
«Open api» мен «Оpen Вanking»: Банк секторындағы бәсекелестік
Ұлттық банк «Open API» және «Open Banking» технологияларын дамытудың 2023-2025 жылдарға арналған тұжырымдамасын жариялады. ҰБ бұл тұжырымдаманы Бәсекелестікті қорғау және дамыту агенттігінің (БҚДА) қатысуымен Қаржы нарығын реттеу және дамыту агенттігімен (ҚНРДА) бірлесіп әзірлеген. Тұжырымдаманың мақсаты – ашық банкингті дамыту және ашық банктік интерфейстерді енгізу бойынша қаржылық инфрақұрылым мен заңнамалық ортаны дамыту төңірегінде нақты қадамдар мен шараларды ұсыну.
16 Ақпан, 2023
Әр шығармашыл жан өз үнін, өз ой-пікірін, өз ұстанымын, қарсылығы мен бұлқынысын өнері арқылы жеткізеді. Әр идеясын талантымен шебер ұштастыра алатындардың бірі – суретші Сәуле Сүлейменова. Жуырда ел астанасындағы «Pygmalion» галереясында ашылған суретшінің «Milestone» атты жеке көрмесіне барып, бұл ойымызға тағы да беки түстік.
16 Ақпан, 2023
Банк секторының «жұлдызды клиенттері»
Несие пайызы қандай факторларға тәуелді деген мәселе қай кезде де өзекті. Тәуелсіз сарапшылар несие пайызына бірінші кезекте ықпал ететін факторлардың қатарына Ұлттық банктің пайыздық мөлшерлемесінің деңгейін айтады. Мысалы, қазіргі мөлшерлемесі 17,6 пайыз делік. Ал оның пайызы инфляция деңгейімен теңестіріліп отырады.
16 Ақпан, 2023
Президент Қасым-Жомарт Тоқаев «Халық бірлігі және жүйелі реформалар – ел өркендеуінің берік негізі» атты Жолдауында ветеринария саласына айрықша көңіл бөліп, бұл сала қазіргі заман талабына сай болмаса, ауылшаруашылығы өнімдерінің экспортын арттыру мүмкін емес екенін атап өткен еді. Ветеринария саласының жүйелі жұмысына мал саулығын бақылауды жақсарту ғана емес, оның өнімдерінің халыққа зиянсыздығын тексеруді арттыру да қосылатыны айдан анық. Тек сау малдың еті, өсімдік өнімдерінің зиянсыздары ғана дастарқанға тартылса, халқымыз сау болады.
16 Ақпан, 2023
Астанадағы №2 көпбейінді қалалық аурухананың дәрігерлері маржан тәрізді бүйрек тасы бар науқасты аман алып қалды. Бүйрек патологиясы бар пациентке қалалық урология орталығының дәрігерлері жәрдемдескен.
16 Ақпан, 2023
Диспансерлердің арнайы есебінде тұрған жергілікті жұрт өткен қаңтар айында өздеріне тиесілі тегін дәрі-дәрмекке қол жеткізе алмай жандары қысылған. Ақпараттық жүйеде техникалық ақаудың пайда болуы, логистиканың толыққанды жұмыс істемеуі салдарынан емханалар бұл уақытта бірқатар қиындыққа ұрынған сыңайлы.
16 Ақпан, 2023
Түркия мен Сириядағы табиғат апаты бүкіл әлемді дүр сілкіндіргені белгілі. Қазіргі таңда аталған екі елде болған жер сілкінісінен қаза тапқандар саны 40 мың адамнан асып кетті. Қайғылы жағдайға байланысты шартараптың түкпір-түкпірінен қол ұшын созып жатқандар жетерлік. Солардың бірі – Мемлекеттік сыйлықтың лауреаты, суретші Ерболат Төлепбай.
16 Ақпан, 2023
Бұрын ірі кәсіпкерліктің дамып, ал шағындар оның шаңына ілесе алмай қалғаны жиі айтылатын. Қазір олай деп шағынатын жөн де, жоба да жоқ. Өйткені кейінгі уақытта мемлекет шағын кәсіпкерліктің дамуына ден қойып отыр. Әсіресе қайтарымсыз гранттар біраз адамның кәсіп бастауына баспалдақ болып келеді.
16 Ақпан, 2023
Жастарды әлеуметтендіру – әрдайым назарда
Л.Н.Гумилев атындағы Еуразия ұлттық университетінде жастарды әлеуметтендіруге арналған форум өтті. Екі күнге созылған іс-шараға Ғылым және жоғары білім министрі Саясат Нұрбек және жоғары оқу орындарының өкілдері мен студенттер қатысып, салаға қатысты өзекті мәселелерді талқылады.
16 Ақпан, 2023
«Депозит – банктің жаны» десе, жарасқандай. Біріншіден, депозит тарту арқылы өзінің қаржы қорын молайтады, тиісінше клиент алдындағы міндеттемесін өтеу тұрғысынан да сенімді болады. Екіншіден, мейлінше мол депозиттің жиналуы – азаматтардың банкке деген сенімінің өлшемі іспетті.
16 Ақпан, 2023
Жақсылар бағалаған, жұрт білетін, көп танитын әдебиеттанушы, зерек сыншы, журналистігі мен жазушылығы да жанып жіберсең тіліп түсетін, зерделі ғалым, бір сөзбен айтқанда, сан қырлы, бір сырлы Құлбек Ергөбектің азан шақырылып қойылған есімі – Құл-Құлбек.
16 Ақпан, 2023
Батырлан Амангелдиев: Батыр тұлғасын әлі толық таныған жоқпыз
Егемендік алғаннан кейін өткен тарихымызға үңіліп, жаңаша көзқараспен тану басталғанымен, 1916 жылғы ұлт-азаттық көтеріліс туралы түрлі пікір айтылады. Алайда бұл көтерілістің астарында тәуелсіздікті аңсаған ұлттың арманы бар. Биыл Торғайдағы ұлт-азаттық көтерілісінің бас сардары, ұйымдастырушысы Амангелді Имановтың туғанына 150 жыл толады. Осы орайда біз халық батырының немересі Батырлан Рамазанұлы Амангелдиевпен кездесіп, азаттық жолында құрбан болған арғы бабасы Иманнан бастап, атасы Амангелдінің өскен ортасы мен күрескерлік жолы туралы әңгімелестік.Енді кейіпкеріміз туралы айта кетейік. Ол 1939 жылы Алматы қаласында туған. 1957 жылы орта мектепті күміс медальмен бітіріп, Н.Э.Бауман атындағы Мәскеу жоғары техникалық университетінің автоматты басқару жүйесі мен элементтері факультетіне түседі. Оны ойдағыдай тәмамдағаннан кейін 1963-1970 жылдары аралығында Қазақ политехникалық институтында ғылыми зерттеу жұмысымен айналысады. 1970-1975 жылдары Қазақ КСР Ғылым академиясының Математика және механика институтында бас инженер, аға ғылыми қызметкер болды. Одан соң Қазақстан стратегиялық зерттеулер институтында жетекші ғылыми қызметкер, кейін Т. Рысқұлов атындағы Қазақ экономикалық университеті Қаржы-банк менеджменті ғылыми-зерттеу институтында істеді. Техника ғылымдарының кандидаты. Бірқатар ғылыми еңбектің авторы.
16 Ақпан, 2023
«Астана Опера» театры сахнасына жалпыадамзаттық құндылықтарды арқалаған «Дала үні» балеті араға үш жыл салып, жаңа нұсқада қайта оралады. Балетмейстер Патрик де Бананың асыл мұраттарға жетелеген бұл қойылымы заманауи реңктерге боялып, өзгере түсті. Тіршіліктің сан сиқыры, махаббат күші мен бабалар даналығы тығыз өрілген спектакль көпшілікке 18-19 ақпан күндері ұсынылмақ. Осы орайда жаңа кейіпте қайта оралған қойылымның дайындық барысын білуге асықтық.
15 Ақпан, 2023
Ұлттық академиялық кітапханадағы «Кітап музейінде» тарих пен әдебиетке қатысты бірқатар көне қолжазбалар мен кітаптар жинақталған. Сондай құнды дүниенің бірі – Алтынсарыұлы Ыбырай «Өлеңдер жинағы» деп аталған кітап. 1935 жылы Қазақстан көркем әдебиет баспасынан 5000 таралыммен жарық көрген жинақ латын қарпінде басылған.
15 Ақпан, 2023
Бұл тарихи журнал – Абайға арнап шығарылған алғашқы мерзімді басылым. Абай есімін ұрпақ санасында сақтау, еңбектерін нәсихаттау бағытындағы шаруаның бірі – «Абай» журналы (1918) «Қазақ» газетінің жолын жалғастырып, Абайдың рухани мұрасын жұрт жадына сіңіріп, ұлттық бағытпен жүрді. Оқырмандарын Абай көксеген жолға салуға тырысты. «Сарыарқа» газетімен қанаттас, пікірлес болды. «Бірлік туы» (1917-1918), «Жас-азамат» (1918-1919) газеттеріне рухани қолдау көрсетіп отырды.
15 Ақпан, 2023
Бабы келген кемел туындылар болады. Асқан білгірлікпен, талғампаздықпен қалыпталғаны өз алдына, байыптап, жеті рет өлшеп, бір рет кескен адам емес, құдірет дерсіз. Таңдап алған тақырыбының иін қандырып, суын сығып, сөлі мен нәрін әкеп құя салады кеудеңе. Байыптап үлгермей де қаласыз. Себебі бастаған бойда бір деммен оқып шығасыз да, құмарың қанбай қайта парақтап, ұңғыл-шұңғылын тағы бір мәрте сүзіп шығасың. Әсіресе Тәкен Әлімқұлдың «Көк қаршыға» әңгімесін оқығанда әлгіндей әсер алдық. Жалпы Тәкеннің ән-күйі туралы әңгіме, повестері – атап айтарлық соқталы дүниелер.
15 Ақпан, 2023
Қостанай облыстық тарихи-өлкетану музейінде сақтаулы тұрған құнды жәдігерлердің бірі – Айтбай батырдың дулығасы. Көне мұраны мұражайға батырдың ұрпағы Сарыкөл ауылының тұрғыны Мұрат Жанұзақов тапсырыпты.
15 Ақпан, 2023
