Пікірлер
Ассалаумағалейкүм, ағайын! Сексенінші жылдардың бас кезі. Жеті-сегіз жасар ойын баласымыз. Бірде жолды кесіп өте бергеніміз сол еді, жетектеп алған апам кілт тоқтады. Алыста аяңдап келе жатқан бір қарияны көзі шалып қалса керек. Небәрі екі метр жолдан өту үшін әлгі кісіні біраз күтуге тура келді. Жасы үлкен кісіге апамның сәлем салғаны, риза болған қарияның бізге мейірленіп бата бергені, содан кейін ғана жолдан өткеніміз есімде қалып қойыпты.
28 Сәуір, 2020
Бір көкемнің: «Құздан құлап бара жатса да адамның құлқыны бүлкілдеуін қоймайды», дегені бар. Сонда мен іштей: «шыбын жаны қиылғалы тұрған сәтте кім құлқынының қамын ойлай қояды дейсің...», деп оның айтқанымен келісе қоймағанмын. Кейін ойлап қарасам, әлгі көкем мен ойлағандай емес, кейбір адамдардың қандай жағдайда болсын жемсауын толтыруды бірінші кезекке қоятынын меңзеген екен ғой...
28 Сәуір, 2020
Коучингтің көкесі – бабалар мұрасы
Күн сайын құбылған алмағайып кезеңде замана ағымына неғұрлым тез бейімделіп, басқалардан бұрынырақ әрі жүйелі әрекет еткендердің аты озып, атағы шығып, материалдық жағдайы жақсаратыны түсінікті. Кейінгі жылдары коуч, коучинг, коучер деген ұғымдар тірлігімізге біршама дендеп енгені осыған байланысты болса керек.
27 Сәуір, 2020
Бірде Түркияға саяхат барысында кездейсоқ бір ақсақалмен әңгімелестім. Өмірден түйгені мол түрік қариясы: «Дұға-батаның қуаты орасан. Ғасырлар бойы ата-бабаң кәсіп еткен дүниемен айналысудың берекеті бар. Өйткені бұл дұға-тілекпен бекіген, тамыры бар дүние, сосын балама ақшаң көбейсе аяқ киім тігумен кәсіби түрде айналыс, мен де, менің әкем, оның әкесі де етікші болған деп ақыл айттым. Қазір шүкір, шаруасы дөңгелеп тұр», деді.
24 Сәуір, 2020
Қайбір жылы Шу ауданының әкімі екі кештің арасында ескі шәпкісі мен күпәйкеге ұқсас қалың күртешесін киіп, жалғыз өзі көше аралап шыққан ғой. Сөйтіп жақын маңдағы мектептің ауласына кіріп, от жағатын жағын көріп, шетінен барлап келе жатса, алдынан қарауыл шығып қалыпты.
23 Сәуір, 2020
Тәжтажалдың басты соққысы сәлемдесуге келіп тигенін қараңызшы. Қол беріп амандасу қорқынышқа айналып, кісімен кезіксе, үркіп қашатын әдет келгелі адамдар да амандық-саулық сұрасудың жаңа түрлеріне бейімделіп, кейбірі күлкі шақырса да, микробтан қорғанудың ең дұрыс шешімі ретінде түрлі баламаларды ойлап тауып, қабылдауға мәжбүр болып отыр.
22 Сәуір, 2020
Өркениет көркем ниеттен басталады. Өрелі өркениетке бастаған сондай көркем ниеттің бір көрінісі – ғұлама әл-Фараби мен Жүсіп Баласағұнның шығармалары екені анық. Бұл тұста отырарлық ғұлама ислам философиясы арқылы бірнеше мәдениетке ықпал етіп, адамзат өркениетінің өрісін кеңейтсе, таза түркі тілінде жазған баласағұндық бабамыз түркі-ислам өркениетінің қалыптасуына қызмет етті. Осы бұлақтардан сусындаған Абай да араға ғасырлар салып, қазақ өркениетінің негізін қалады.
21 Сәуір, 2020
Азаматтық қоғамды дамытамыз десек...
Қазақстанның тәуелсіздік алып, демократиялық даму мен нарық экономикасына көшуі елдің бүкіл мемлекеттік басқару жүйесін қайта құруды талап етті. 1995 жылғы Конституция бойынша бұрынғы халық депутаттары Кеңесінің орнына өкілетті орган ретінде мәслихаттар құрылды.
20 Сәуір, 2020
«Пенде не көрсе де ниетінен, пиғылынан табады» дейді. Баяғыда өздері аш-жалаңаш, күйеулері «халық жауы» деп ұсталып, айдалғаны айдалып, үкімі кесілгендері атылып, одан қалған азаматтар соғысқа кетіп, елде шал-шауқан, көздері жасты, көңілдері мұңға толы жесір әйел, жетім балаға толған заманда қазақ баласы Кеңес өкіметі малша тоғытқан сан ұлысқа тіліне, дініне қарамастан қорған болды. Қоржын тамының бұрышына қондырып, аузындағысын жырып беріп, өзі жарымай жүріп, жылай жүріп қорлық көрген жат баласына әрі тұр демей, жасын сүртіп, бауырына тартты. Өйткені пейілдері кең, жүректері жұмсақ, жандары аяныш пен обал атты асылға толы еді. Пейілдерінің тарылмауының себебі, алдарында туатын жақсы күндердің, тоқшылықтың нанына тоятын мамыражай күндердің хабаршысы болғандай.
17 Сәуір, 2020
Денсаулықты былай қойғанда, дәл осы күндері індет өзімен ілестіріп әкелген жапсарлас мәселелер жеткілікті-ақ. Жаһанды уысынан қашан шығаратыны белгісіз «жендет вирус» жеңілгенше, онымен байланысты жағымсыз жайттар, жалған ақпараттар, таптаурын түсініктер толастамақ емес.
16 Сәуір, 2020
Абылайхан дәстүрді жалғастыра ма?
Токио Олимпиадасына баратын отандық боксшылардың лицензиясы түгелденді. Енді алаңсыз дайындалуға болады. Ерназардың сегізі бөлек те, Ер Төстігі бөлек демекші, ерлер арасында бокстан сегіз салмақ болғанымен, оның ішінде салмақтың да салмағы бар. Қазақ боксындағы Ер Төстіктердің өткен Олимпиадалардағы ойын өрнегіне көз жүгірткен едік...
15 Сәуір, 2020
Қазақтың қайта өрлеуіне баланып жүрген Елбасының «Рухани жаңғыру» бағдарламасы ұлт болашағының ұстынын айқындап бергендей болды. Аз ғана уақытта ауқымды жұмыстар атқарылды. Жақсы істер жалғасуда.
14 Сәуір, 2020
Жаңғыру «жаңғырыққа» айналмасын десек
Осыдан тура 3 жыл бұрын ел газеті «Egemen Qazaqstanda» жарық көрген Елбасының «Болашаққа бағдар: рухани жаңғыру» атты мақаласы ұлттық руханиятқа үлкен серпіліс әкеліп, қоғамға қозғау салғаны белгілі. Халықтың өткенін өнеге етіп, бүгінін бағамдап, болашақ басым бағыттарын айқындап берген бағдарламалық мақала тарлан тарих пен жарқын болашақтың көкжиектерін үйлесімді сабақтастырған ұлттық тұғырнама ретінде қабылданды. Әсіресе ұлттық бірегейлікті сақтау, прагматизмді басшылыққа алу, мәдениетті ұлықтау, білімді культке айналдыру, туған жерге деген сүйіспеншілікті арттыру, латын әліпбиіне көшу сияқты мәселелер қоғамда қызу қолдау тауып, ауқымды жұмыстар атқарылды.
14 Сәуір, 2020
Індеттен қорғануды шығыстан үйренсін
Дәл қазір әлем елдері коронавирустан қорғану үшін жанталасып жатыр. Әрине оның ішінде біз де бармыз. Әлем халықтары бұл дерттен қорғанудың жолдарын қарастыруда. Соның ішінде ДДҰ тарапынан шығыс елдерінің қорғану тәсіліне оң баға берілуде.
10 Сәуір, 2020
Өзімнің қырық жыл уақытқа таяу жұмыс тәжірибемде, бәлкім, атқарып отырған қызметтеріне сәйкес біреулерді сынаған кезім болған шығар, бірақ ешуақытта адамның жанына тиерліктей ауыр сөз жазбаған екенмін. Тіпті бір рет те болсын.
09 Сәуір, 2020
Рас-өтірігін бір Құдайдың өзі біледі, ғалымдардың зерттеуінше адам күніне қолын бетіне бірнеше мың рет апарады екен. Әрине адамзатты алаңдатып отырған ауыр ахуал кезінде мұндай ақпараттардың түр-түрін сіз де оқып-біліп отырған боларсыз. Біздің айтпағымыз, сол мұрныңыз бен көзіңізге қайта-қайта қатынасып жатқан қолдың тазалығы жайлы болғалы отыр.
08 Сәуір, 2020
Осыдан екі жыл бұрын ауылға бір барғанымда «Пәленшенің қызы Кореяға жұмыс істеуге кетіпті» дегенді естіп, «Ер-азамат болса бір сәрі, қыз баланың жат елге барып жұмыс істегені қалай болар екен?» деп ойлаған едім. Сөйтсем ол жақта өзің тәртіп бұзбасаң, ешкім шеттетіп, күш көрсетпейді екен. Қарапайым жұмысшының өзіне біздің елдегі дөкейлердің түсіне кірмейтін жалақы беретін көрінеді. Содан ерлі-зайыптылар, тіпті, бала-шаға, отбасымен кетіп жатқандар да баршылық екен.
07 Сәуір, 2020
Жуықта қытайлық кинематографистер жасаған ортағасырлық тарихтан сыр шертетін сериалды тамашалап отырып, мына бір эпизодты аңдадық. Бас кейіпкер патша уәзірлерін шақырып: «Үш ұлымның қайсысы мұрагерлікке лайық екенін айтыңдар» дейді. Көпшілік көркем мінезді үлкен ұлды құп көреді. Патша: «Ол жарамайды, өйткені оның бойында ұлы арман жоқ, яғни армандай алмайды», – деді. Осы сөзді естігенде ойыма бірден атақты Шыңғыс қағанның «Арманың қанша асқақ болса, арғымағың сонша шабысты болады» деген ұлағаты орала кетті.
03 Сәуір, 2020
Әр адамды өз дәуірінің бел баласы, баған көтерушісі, байрақ ұстаушысы дейміз, алайда ол сол заманның шеңберінде ғана қалу дегенді білдірмесе керек.
31 Наурыз, 2020
Пандемия: Тарих тұрғысынан пайымдау
Тарлан тарихқа жүгінсек, адамзат баласына бірнеше рет оба індеті келіп, миллиондаған адамдардың өмірін жалмағанын көреміз. Мәселен, сақ-скиф дәуірінде де аталған індеттің бар болғандығы туралы деректер кездеседі.
31 Наурыз, 2020
