Пікірлер
Пассионарлық рухтың парасатты қаласы
Күлтегін ескерткішінде: «Түрік қағаны Өтүкен қойнауында отырса, елде мұң жоқ. Өтүкен қойнауында отырсаң, мәңгі елдігіңді сақтайсың» деп, тасқа жазып қалдырған екен. Одан беріде данышпан әл-Фараби «парасатты қаланы», Асанқайғы «Жиделібайсынды» аңсады. Бабалар армандаған Өтүкен мен Ергенеқон, жер жәннаты Жерұйық пен Жиделібайсын – соның бәрі бүгінде ақиқатқа айналып, Астанамен астасып жатқандай...
06 Шілде, 2017
Астана: сұлулықпен үндескен жылулық
Астанаға газ жеткізу мәселесі көптен бері қозғалып келеді. Еліміздің Энергетика министрі Қанат Бозымбаев осыдан біраз бұрынғы бір шарада «Үкімет Астанаға көгілдір отын жеткізу жөнінде көп жылдан бері уәде беріп келеді, сол уәдесін қашан орындайды?» деген сауалға «Астанаға газдың қашан жеткізілетіндігін бір Құдай ғана білер» деп жауап беріп, үмітті көңілдердің әптігін басып тастаған еді.
06 Шілде, 2017
Байқар болсақ, «астана» деген сөз қазақта ежелден бар. Мұның өзі халқымыздың бағзы замандардан бері іргелі ел, тегеурінді бел болғандығын айғақтап көрсеткендей. «Тауға да керек астана, тасқа да керек астана» деп қазақтың аяулы ақыны Төлеген Айбергенов жырлағандай, ұйысқан ұлыс, еншілескен ел болған соң астаналы жерге, асқаралы белеске елордасы да тігілмей тұрмасы анық. Бұл ақиқатты қазақ тарихының қатпарлы шежіресінен көреміз.
06 Шілде, 2017
ЭКСПО елге не береді деген сұрақтың ішінара жауабын беретін кез келгені анық. Мәселен, Астана ЭКСПО-2017 халықаралық мамандандырылған көрмесінің аясында қалың көпшілікті соншалықты қызықтыра қоймайтын көптеген салалық шаралардың өтіп жатқанын біреулер білсе, біреулер біле бермейді.
05 Шілде, 2017
Елдің есінен 1992 жылдың күзінде Алматыда өткен Дүниежүзі қазақтарының тұңғыш құрылтайы қалай ұмытылсын! Сол жиында алғаш рет 11 қандасымызға Қазақстан азаматтығы беріліп, төлқұжат тапсырылса, бұл күнде атажұртына 1 миллионға жуық қандасымыз оралған екен. Тек биылғы алғашқы тоқсанда-ақ шет мемлекеттерден көшіп келген 2601 отбасы, 4860 қазақ азаматы қоныстанды.
05 Шілде, 2017
Зейнет жасы ма, зерігудің басы ма?
Халық «Біреу тойып секіреді, біреу тоңып секіреді» деп бекер айтпайды. Өмірден көргесін, ой түйгесін, бар мен жоқты безбендеген соң ауыздан шыққан бір ауыз тіркес қанатты қағидаға айналып кетеді.
04 Шілде, 2017
Ел тыныштығы елордадан басталады
Жақында Елбасы Нұрсұлтан Назарбаев Ұлттық қауіпсіздік комитетінің төрағасы мен Ішкі істер министрін қабылдап, онда 2017 жылғы бес айдың қорытындысы бойынша елдегі қылмыстық ахуалдың жағдайы туралы есеп берілді. Бәрімізге мәлім, Нұрсұлтан Назарбаев құқық қорғау органдары жүргізіп отырған шара- лардың нәтижелеріне тоқталып, азаматтардың қауіпсіздігін қамтамасыз ету жөніндегі жұмыстың сапасын жақсарта беру қажеттілігін атап өтті.
04 Шілде, 2017
Мың жерден төрткүл дүниенің оқуын тауысса да, азаматтық ұстанымы болмаса адам баласы білім саласындағы жиған-тергенін халықтың қажетіне жаратуы қиын-ақ. Осы тұрғыдан келгенде алаш қайраткері Әлихан Бөкейханнан асыра айту мүмкін емес: «Ұлтына, жұртына қызмет ету – білімнен емес, мінезден». Біздің жұртына қызмет етуде тек білім аздық етеді дегенді меңзеп отырғанымыз да сол.
03 Шілде, 2017
Астана – ерен еңбек пен ерік-жігердің айғағы
Сәні мен салтанаты келіскен елорда аса қысқа мерзімде барша қазақстандықтардың маңдайға басар мақтанышына, сүйікті Астанасына айналды. Бұл – айтуға оңай болғанымен, қыруар қаржылық ресурсты қажет ететін әрі ұйымдастыру, орындау, қадағалау тұрғысынан жүздеген, мыңдаған адамдардың ерік-жігеріне, қарым-қабілетіне, ең ақыр аяғы ниетінің оң-терістігіне тәуелді жұмыстарды табанды түрде еңсерудің нәтижесінде ғана мүмкін болды.
03 Шілде, 2017
Ескісін жамап, ешкісін сауып, қойын құрттап, айранын ұрттап малшылықпен, бақташылықпен, ұсталықпен, саятшылықпен, аңшылықпен шұғылданған қарапайым қазақтың әрбір ауылында алтын балық үйіріндей ақылды, арлы ақсақалдардың «Сүйек сындырма, ата атандырма!» немесе «Жер – Ана, Орман – Ата, Су – Қан», «Ауа – Жан», «Жел – Рух» дейтін асыл ойлары мен әйгілі ізгілікті әрекеттері болатын. Міне, осы жағдай сол бір көбелек қуған, қозы, бұзау баққан, тезек терген, отын-су тасыған ауыл балаларының әдепті дағды-машығын, таным-түсініктерін, көзқарасын, ой-санасын, төзім-рухын, тұрмыс-тіршіліктегі ұстанымын қалыптастырған еді.
30 Маусым, 2017
Тақтатастан мұнай өндіру табыс көзіне айнала ма?
Осыдан біраз бұрын әріптесіміз Жылқыбай Жағыпарұлы «Тақтатас төңкерісіне тәуелділік» атты мақала жазып, АҚШ-та осы үдерістің шарықтау шыңына шыққандығын, сөйтіп енді әлемде тақтатас төңкерісінің басталуы әбден мүмкін екендігін жеріне жеткізе жазған-ды.
30 Маусым, 2017
Абай атамыз: «Қырқын мінсе қыр артылмайтұғын осы бір «қырт мақтан» деген бір мақтан бар, сол неге керек, неге жарайды? Ол ар, есті білмейді, намысты білмейді, кең толғау, үлкен ой жоқ, не балуандығы жоқ, не батырлығы жоқ, не адамдығы жоқ, не ақылдылығы, арлылығы жоқ», дейді. Расында, осы күні не адамдығы, не арлылығы жоқ бос мақтан қуғандар арамызда көбейіп бара жатқан жоқ па?
29 Маусым, 2017
Алаш ұранды, ағаш керегелі халқымыз үшін қазақтың бірлігі қашаннан-ақ қастерлі сөз, қасиетті ұғым болған. Абылай баһадүр ханның әйгілі үш арманының, үш өкінішінің бірі де осы бірлікке саяды.
29 Маусым, 2017
Кәсіпке баулудың кейбір мәселелері
Елімізде еңбекке қабілетті адамдар саны 9 миллион екен, оның ішінде жұмыспен қамтылғандар 8,5 миллион, 6,3 миллион – жалдамалы жұмыскерлер, 2,2 миллион – өз бетінше жұмыспен қамтылғандар. Ал жұмыссыздар 445 мың адам. Ал жұмыспен қамтылғандар саны жұмысқа жарамды адамдар санының 67 пайызын құрайды, ал бұл көрсеткіш біз ұмтылып жүрген өркениетті 30 елде орташа алғанда 82 пайызды құрайды. Яғни, Қазақстан үшін халықты шынайы жұмыспен қамту жайы өзекті болып отыр.
28 Маусым, 2017
Білім – шамшырақ. Алдағы жол андыздап көрінеді. Сүрінбейсіз, жортақтауыңыз, желе жортуыңыз, бауырыңызды кең жазған шабысыңыз жиған білімге байланысты. Білім – ырыстың тізгіні. Ырысты тал бесіктен жер бесікке дейін іздейтін уақыт туды. Өйткені, білгірге ділгірлік бар. Тестілеу қортындысы бойынша жоғары оқу орындарына құжат тапсыратын талапкердің өмірлік мақсат-мұратын айқындауы – ел болашағына қосар үлесін айқындауы. Сондықтан мамандық таңдауға бейжай қарауға болмайды.
28 Маусым, 2017
Бүгінгі күн ертең тарих болып қалары сөзсіз. Ертең кешегі күннің ізін іздейміз. Өнерде де дәл солай. Өткен күннің іздерін сол күйінде «қалпына келтіру» арқылы жеке шығармалардың ғана емес, тұтас бір кезеңнің тарихын мейлінше объективті түрде шынайы суреттеуде, зерттеуде архивтің, ондағы сақталған материалдардың маңызы орасан зор.
27 Маусым, 2017
Қазақстан өзінің Шанхай ынтымақтастық ұйымындағы (ШЫҰ) 2016-2017 жылдардағы кезекті төрағалығын үстіміздегі жылдың 9 маусымында Астанада өткен Мүше мемлекеттер басшылары кеңесінің отырысында қорытындылады. Әдеттегідей, еліміз бұл төрағалыққа үлкен дайындықпен келіп, ұйымның жаңа сатыға көтерілуіне, аймақ мемлекеттері арасындағы саяси-экономикалық, қауіпсіздік және мәдени-гуманитарлық салалардағы ынтымақтастықты нығайтуға барынша күш салғаны белгілі.
27 Маусым, 2017
Төрінен қонақ үзілмейтін үлкен үй
Кез келген қаладағы келімді-кетімді жолаушыларға лайықты қызмет көрсетіп, адамдардың демалуы мен жүріп-тұруына жағдай жасау – жауапты міндет. Әлемнің дамыған елдері бұл бағыттағы жұмыстарды логистикалық карта аясында жүргізіп, қонақ қабылдау мен қызмет көрсетудің де озық үлгілерін қалыптастырып отыр. Яғни, туризмнің дамуына күш, қайрат, қаржы жұмсау арқылы оны еселеп қайтарып алу қамында көптеген жұмыстар жасалуда. Қуанарлығы, еліміздегі логистика бағытындағы дамыту жұмыстары өз деңгейінде жүріп жатыр.
26 Маусым, 2017
КСРО-ның бір қиырындағы Мурманнан екінші қиырындағы Владивостокқа бет алған 66 жастағы желаяқ жүгіріп келе жатқан жолынан бұрылып, Ұзынағашта екі сағат аялдады. Тайлы-таяғымыз қалмай ғажап жанды көрмекке аудандық партия комитетіне – қазіргіше, аудан әкімдігіне жиналдық. Орыс ақсақалы жүгіруді 20 жыл бұрын бастапты, кереметі – бір заманда алпыс екі тамырына құрсау салған 10 шақты ауруынан құлан таза айыққан.
26 Маусым, 2017
Клай-фай жанры немесе әдебиеттегі табиғат апаттары
Бірер апта бұрын АҚШ президенті Дональд Трамптың қоршаған ортаны қорғауға қатысты Париж келісімінен шығамын деген еді. 2015 жылдың желтоқсан айында 194 мемлекет қол қойған Париж келісімі – ғаламдық жылыну процесін тежеуге арналған әрекеттер жоспары. Тараптар өздеріне климаттың өзгеруіне икемделу, техникамен қайта жасақтану, ауаға залалды заттардың шығарылуын азайту бойынша шаралар қабылдауға міндеттемелер алған болатын. АҚШ аталған келісімнен бас тартып отыр. Бір қуаныштысы, шығамын деген сәтте шыға салуға болмайды, бұл рәсім төрт жылға созылады екен. Осы жағдай есіме клай-фай жанрындағы әдебиетті түсірді.
23 Маусым, 2017
