02 Шілде, 2011

Қыздар университетінде қытай тілі орталығы ашылды

292 рет көрсетілді
Қазақстан мен Қытай мемлекеттері арасында ғылым саласын дамыту мақсатында ашылған Шыңжаң педаго­гикалық университеті мен Қазақ мемлекеттік қыздар педагогика университетінің өзара келісім-шарты бойынша қытай тілін оқыту және оқытушылардың біліктілігін жетілдіру орталығы енді көрші екі елдің мәдениеті мен әдебиетін терең меңгеруге жол ашпақ. Әңгімені әріден бас­та­сақ, аталмыш оқу орнының шетел тілдері факультетінде қытай тілі екінші шет тілі ретінде 2001 жылдан бері оқы­тылып келеді. Ендігі жерде бұл ор­талық күншы­ғыс елі­нің тілін жетік мең­геріп, ол елдің мә­дениеті мен тыныс-тіршілігін студенттерге то­лық танысты­руға мүм­кіндік туғызары сөзсіз. Орталықтың тұсауын уни­­верситет ректоры    Ш.Бер­­кім­­баева мен Шыңжаң ұйғыр автономиялық рай­оны төр­ағасының орынба­сары Жин Но ханым кескен соң, мәр­тебелі қонақтар университет дәстүрі бойын­ша «Ақ­тұмар» мұражайын аралап, естелікке суретке түсті және қол­таңбаларын қал­дырды. Одан әрі Қытай делегация­сымен ресми кездесу уни­верси­теттің акт залында жалғасын тапты. – Бүгін 67 жылдық та­рихы бар біздің университетке көрші Қытай Халық Рес­публикасынан ресми де­ле­га­цияны бастап келген Жин Но ханым келіп отыр. Делегация құрамында жоо бас­шылары, мемлекеттік ме­кеме өкілдері бар – дей келе, Шәмша Көпбайқызы атал­мыш білім ордасының табиғаты ерекше оқу орны екенін, мұнда 7 факультетте 10 мыңға жуық тек студент қыздар, болашақ педагог мамандар оқып тәрбиеленіп жатқанын, оларға 700 оқы­тушы-профессорлар дәріс беретінін мәлім етті. – Біздің университет Шың­жаң педагогикалық уни­­верситетімен екі елдің білім саласын дамыту мақ­сатында, ғылыми-мәдени ын­­тымақтастық орнатуда бі­раз шараларды іске асы­руда. Яғни, студенттер алмасу, магистранттар және ұстаздар үшін ғылыми тәлім­нама, ғылыми конференция өткізу, т.б. Бұл Қа­зақстан Президенті Н.­Ә.Назарбаев пен ҚХР төрағасы Ху Цзинь Тао жүргізіп отырған көр­шілес екі мемлекеттің бей­біт сая­сатының жемісі. Мем­лекет басшылары жуыр­да Шанхай Ынтымақтастық Ұйы­мының 10 жылдығына орай ұйым­дастырылған жо­ға­ры дәреже­дегі бас қосуда алдағы уақыт­та елдің эко­номикалық, мә­дени-гума­ни­тарлық бай­ла­ныс­­­тарының жа­ңа сапаға кө­терілуіне ба­ғыт берді. Соның бір көрінісі – Қытай тілін оқыту орта­лығының ашылуы. Жаһан­дану зама­нында жас­тар­дың көп тілді меңгеруі, әлемдік бәсекеге бейім болуы заман талабы. Қазірдің өзінде жүз­ден астам студент қытай тілін үйре­нуде. Орталықты жаб­дық­тауды то­лығымен қы­тай әріптесте­рі­міз ұйымдас­тыр­ды. Ол үшін үлкен алғы­сымызды білдіреміз. Бұл көрші екі ел жас­тарының достығын нығайту­дағы игілікті іс. Және бола­шақта осы университетте Конфуций инс­титутын ұйымдас­тырудағы үл­кен қадам. Сон­дық­тан қытай тілін үйрету орта­лығының алдағы уақытта атқаратын жұмыстары абы­рой­лы болсын деп тілеймін, – деді ректор. Шыңжаң ұйғыр автоно­миялық районы төрағасының орынбасары Жин Но ханым да қыздар университеті ұжы­мының жасап отырған құр­метіне, сый-сияпатына өз рах­метін білдіре келе: «Жу­ырда Қазақстан мен Қытай бас­шысы бас қосып, екі елдің достығы мен ын­ты­мақтастығын дамытуға ар­нал­ған біраз жобаларды талқылады. Біздің орталық тәуелсіз достықтың ныша­ны болатынына сеніміміз мол», – деп атап өтті. Қонақты кәдесіз аттан­дыр­майтын дәстүрімен университет ректоры Жин Но ханымға университеттің «Құр­­метті профессоры» ака­­демиялық атағын беріп, ұлттық нақышта тігілген мантия кигізді. – Қытай мен Қазақ­станның шекарасы қалыпты дамып, екі елдің қарым-қатынасы сәтті жалғасын тауып келеді, – деді өз сө­зінде ҚХР-дың Қазақ­стан­дағы елшісі Чжоу Ли мырза. – 2005 жылы Қытай мен Қа­зақстан стратегия­лық серіктестік орнат­ты. Биылғы жылы ҚХР төр­ағасы Ху Цзин Тао Қа­зақстанда бол­ған сапарында жан-жақты стратегиялық әріп­тестікті жал­ғастыруды айт­ты. Бұл екі елдің әр салада жаңа бір даму бас­палдағына кө­теріл­генін білдіреді. Екі ел де тіл маман­дарын тәрбиелеуге баса мән беруде. Әсіресе, жоғары дең­гейдегі аударма­шыларға сұ­раныс көп бо­лып отыр. Дәл осындай жағдайда Қы­тай тілін оқы­ту орталығын ашып, тіл мамандарын даярлау қажет­ті деп білемін. Мен бүгінгі құрылған Қы­тай орталығы­нан оқыған сту­денттердің ертеңгі күні екі ел ара­сындағы достықты нығай­татын дәнекер бола­тынына сенемін. Ресми бөлімнен соң университеттің «Томирис» би және «Айгүл» вокалды-ас­паптар ансамбльдері қы­тай­лық қонақтарды қазақ өнеріне тәнті етсе, Шыңжаң педаго­гикалық универ­си­тетінің студенттері арнайы әзірлеген концертті көрсете отырып, Конфуцийдың кемел ойынан туындаған өнер адамды са­быр­лылыққа тәр­биелейтінін ұқтырып, «ар ху», «жу димен» аспап­тарымен қазақ әні «Дудар-айды» орындады. Гүлзейнеп СӘДІРҚЫЗЫ.
Соңғы жаңалықтар

Тәуелсіздіктің 30 жылдығы Лондонда тойланды

Тәуелсіздіктің 30 жылдығы • Бүгін, 10:52

Алматыда жылу жүйесі жарылды

Аймақтар • Бүгін, 10:32

Парижде Абай бюсті ашылды

Руханият • Бүгін, 10:28

6 өңір «сары» аймақта тұр

Коронавирус • Бүгін, 09:43

Талантты жастар танылды

Өнер • Бүгін, 09:33

«Төрттік финалдан» тыс қалды

Футбол • Бүгін, 09:31

Құлпырған Қызбел

Аймақтар • Бүгін, 09:26

Отар ауылындағы оңды тірлік

Аймақтар • Бүгін, 09:21

Мың бір домбыра үні

Білім • Бүгін, 09:13

Жарым көңіл балаларға барды

Аймақтар • Бүгін, 09:11

Жайық бойындағы жарасым

Қазақстан • Бүгін, 09:08

SpaceX дағдарыс алдында

Әлем • Бүгін, 09:04

Аyala-ның аялы алақаны

Аймақтар • Бүгін, 09:01

Тұрғындар белсенді емес

Қоғам • Бүгін, 08:58

Ұқсас жаңалықтар