Дерек пен дәйек

21 500 000 000 Биыл Жамбыл облысындағы үдемелі индустриялық-инновациялық даму бағдарламасы шеңберінде осыншама теңге игеріледі Биыл Жамбыл облы­сын­да­ғы үдемелі индустриялық-ин­нова­ция­лық даму бағдар­ла­ма­сы шеберінде 8 инвести­ция­лық жоба жүзеге асырылады. Оның жалпы сомасы 21,5 миллиард теңгені құрайды. Жобалардың іске асуы нәти­же­сінде қосымша 1139 жаңа жұ­мыс орны ашылмақ. Атап айт­сақ, алғашқы жарты жылдықта үш инвестициялық жоба іске қосылады. Олар: Ақбақай кластері, тамшылатып суаруға ар­нал­ған полиэтилен құбырларын жасайтын Тараз құбыр зауыты және диодты жарық беретін шамдар шығаратын «Энерджи Тараз» ЖШС-ның жобасы. Ал екінші жарты жылдықта қалған бес жоба толықтай іске қосылмақшы. Көсемәлі СӘТТІБАЙҰЛЫ. Жамбыл облысы. 137 Биыл Атырауда осынша түлек «Алтын белгі» иегері атанды Соңғы жылдары Атыраудағы мектептерді бітіруші түлектер­дің білім сапасы артып келеді. Соның куәсіндей биылғы 5710 мектеп бітірушінің арасынан 137 түлек «Алтын белгі» иегері атан­ды. Ал 59 түлектің мектептен алған білімі «Үздік аттестатпен» аталып өтті. Сондай-ақ, 21 мектеп бітіруші халықаралық, респуб­ли­ка­лық олимпиадаларға қа­тысып, жүлделі орындардан көрінді. Облыстық білім басқар­ма­сы­ның бастығы Киікбай Жаулин­нің мәліметінше, мектеп бітірушілер арасынан ҰБТ-да 5 оқу­шы ең жоғары көрсеткішке, яғни 125 баллға ие болған. «Алтын белгіні» көп алған мектептердің ішінде ағылшын тілін терең­де­тіп оқытатын техникалық гим­назияның бағы жанып тұр. Осы білім ордасынан биыл 12 түлек «Алтын белгі» иеленді. Жолдасбек ШӨПЕҒҰЛ, Атырау облысы. 7  пайыз Ақмола облысында экономиканың жыл сайынғы өсімі осындай көрсеткішпен өрнектелмек Жоспарланған индикатор­лар­­ға қол жеткізу үшін қажетті ресурс­тар мен алғышарттар бар. 2010 жылы 2000 жылмен са­лыс­тырғанда аймақтық ішкі жалпы өнімнің көлемі 7,6 есеге немесе 562,4 миллиард теңгеге, өнер­кә­сіп өндірісі – 6 есеге, ауыл ша­руашылығы – 2 есеге, инвестициялар жұмылдыру – 80 есеге, тұрғын үй алаңын іске қосу  5,7 есеге өсті. Ресми тіркелген жұ­мыс­сыздық деңгейі 11,5 есеге, яғни 4,6 пайыздан 0,4 пайызға дейін төмендесе, орташа айлық жалақы 6 есеге өсіп, 51 866 тең­гені құрады. 2010-2014 жылдарға арнал­ған мемлекеттік үдемелі индус­триялық-инновациялық даму бағдарламасының шеңберінде былтыр 73,6 миллиард теңгенің 15 нысаны іске қосылса, биыл 16 нысан пайдалануға берілмек. Бақберген АМАЛБЕК, Ақмола облысы.