Халықтың жағдайы жақсарады

Мемлекет басшысының биылғы Жолдауында елімізді өркен­детудің тың әрі байыпты бағдары мен бастамалары айқын­далған. Құнды құжаттағы «Жұмыспен қамтудың жаңа страте­гиясы» та­рауында екі жыл ішінде «Жол картасы» шең­берінде халықты дағ­дарыстан шығару үшін еңбекпен қамтып, жұмыс­сыздықтың азай­ғаны және инфрақұрылымдардың жақсарғаны айтылған. Енді әр­бір қазақстандықты ауқымды индустрия­ландыруға қатыстырып, ел­дің 2020 жылға дейінгі дамуының алғышарттары жалғасатыны ал­ға қойылды. Және 2012-2015 жылдары қаржыландыру көздері кө­бейтіліп, мал шаруашы­лығын дамыту бағдарламасы аясында ауыл тұрғындарын жұмыспен қамтуды шешу қарастырылған. Облыстық жұмыспен қамтуды үйлестіру және әлеуметтік бағдар­ламалар басқар­ма­сының бастығы Ұмсын Балабиеваға өңірдегі осы орайда бүгінгі қолға алынған жұмыстар жайлы әңгімелеуін өтінген едік. Өткен жылдары нарықтық қа­тынастың қиындықтарын сезініп, оған қарсы әрекет жасаған көп­ші­лік қауым енді-енді еңсе көтер­генде әлемдік экономикалық дағ­да­рыс келіп қосылды. Алайда Ел­ба­сының дана саясаты­ның арқа­сын­да осы қиындықты да еңсеріп, өрлеудің жаңа сатысына қадам бас­тық. Жолдауда қазақстан­дық­тар­дың өмір сүру сапасын жақ­сарту ба­ғытында Үкіметке нақты тап­сыр­ма беріліп, халықты жұ­мыс­пен қамтудың жаңа страте­гия­сы әзір­лен­ді. 2011-2020 жыл­дарға арнал­ған бағдарламаның қабыл­да­нуы оған дәлел. Шілде айынан бастал­ған әлеу­меттік ма­ңызды шара осы­лай өңірге жолдама ал­ға­нын ерекше қуанышпен жеткізуге болады. Өңірде ағымдағы жылы рес­пуб­ликалық бюджеттен «Жұмы­спен қамту-2020» бағдар­ла­масын жүзеге асыруға 1176,7 млн. теңге бөлінді. Бағдарламаға 1223 адам қа­тысады деп күтілуде. Оның ішінде бірінші бағыт бойынша 105,4 млн. теңге қарастырылып, 446 адам­ды кәсіптік даярлау, қайта даярлау жә­не біліктілігін арттыруға жіберу жоспарлан­ған. Және 228 адамның еңбекақы­сын субсидиялау көздел­ген. Ал, екін­ші бағыт бойынша 126,3 млн. теңге қарастырылып, 100 адамды алдын-ала кәсіпкерлік негіздеріне оқытып, шағын несие беру, со­ны­мен қатар 23 кәсіпкердің инф­ра­құ­рылымдарын дамыту алға қо­йыл­ды. Сондай-ақ үшінші ба­ғыт бо­йынша 150 отба­сына тұр­ғын үй салу мақсатында 945 млн. теңге бө­лін­­ді. Жұмыс осылай басталып, өңір­­де бағдарламаның іске асы­рылуы үшін дайындық жұмыстары жалғасып келеді. Облыс әкімінің қаулысымен об­лыстық комиссия құрылып, бағ­дар­ламаның бағыттары бо­йын­ша «Жетісу» әлеуметтік кәсіпкерлік кор­по­рациясы шағын несие беруді ұйым­дас­тырушы ұйым ретінде танылды. Бағдарлама қабылданған кезең­нен бастап оның үш бағыты бо­йын­ша әлеуетті қатысу­шы­лар тізімін жи­­нақтау мақсатында ауылдық ок­руг­­тердегі өздігінен жұмыспен қам­тыл­­ған­дар, жұмыссыздар, аз қам­тылған азаматтар саны анық­талып, тізімделді. Енді олармен нақ­­ты жұ­мыс жүргізілуде. Мәсе­лен, оқытуға қа­жетті мамандық тізімі белгіленіп, бүгінгі күнге 55 ма­мандық пен кә­сіп бойынша оқыту­ға  шамамен 25 оқу орындары қа­тыс­тырылатын болды. Бүгінгі күні шағын несие алуға 221 адам ниет білдірді. Несие алу­шылардың басым бөлігі ауыл ша­руа­шылығы, халыққа қызмет көр­сету және өндірістерін дамыту немесе кеңейтуге байла­ныс­ты сұраныс жасағандар бағ­дарлама аясында қаржыланды­ры­лады. Со­нымен бірге инфра­құ­ры­лымдарды дамытуға қажеттілігі бар кәсіпкердің тізімі жасалды. Аудандық, қалалық жұмыспен қамту ор­гандары үшінші бағыт бо­йын­ша эконо­ми­калық даму ор­та­лық­­тарына тұрақты жұмыс­пен қам­ту мақсатында қоныс аудару­ға ті­лек білдірген отбасылар тізімі ж­инақ­тал­ды. Өңір­де бүгінгі күнге 6 эко­но­­микалық өсу нүкте­лері белгіленді. Олар Панфилов ауданын­да­ғы «Қорғас» халық­ара­лық шекаралас ын­ты­мақтас­тық орталығы, осы ау­дан­­ның Алтын­көл және Іле ау­да­нының Жетіген стансаларын қам­титын «Қорғас – Жетіген» темір жо­­лын салу мен «Гейт Сити» ор­та­лығы, Жамбыл ауданы Үлкен ауы­­лындағы Бал­қаш жылу электр стан­сасы, Тал­ды­қорған қаласын­да­ғы индус­трия­лық аймаққа кіріп отыр. Биылдың өзінде аталған 6 даму орталықтарының үшеуіне 150 отбасына арналып, тұрғын үй салынады. Оларды көшіру 2012 жылға жоспарланған. Аудандық, қалалық жұмыспен қамту ор­ган­дары үшінші бағыт бойынша әлеуетті қатысушылар тізімін жасады. Бүгінгі күнге бар­лығы 1440 мүшесі бар 411 отба­сы­ның тізімі жинақталған. Олар­дың 57 пайызы жұмыс­сыздар, өз бетінше жұмыс істейтіндер және басқа да еңбекке қабілетті азаматтардан құ­рал­са, 43 пайызын студент, мектеп жасындағы және мектепке дейінгі балалар құрайды. Өңірде облыстың 19 ауданы мен қала­ла­рын­да жұмыспен қам­ту орта­лықтары құры­лып, рес­пуб­ликалық бюджеттен 229,2 млн. тең­ге және 221 штаттық бірлік бө­лінді. Штат­тық бірліктер экономи­калық белсенді, жұмыс­сыз­дар жә­не өз бетінше жұмыспен қамтыл­ғандар саны­на байланысты бөлінді. «Жұмыспен-қамту-2020» бағ­дар­­лама­сы­ның қанатқақты кезе­ңін­де өңірде жұмыс­сыздық деңгейі 5,6 пайыздан жоғары бол­май­ды деп кү­тілуде. Ал, өз бетінше жұ­мыс­пен қам­тыл­ғандардың үлесі 43 пайызға, кедейшілік деңгейін 6,3 пайызға төмендету бол­жанған. Қазіргі уақытта Еңбек және х­а­лықты әлеуметтік қорғау ми­нистр­лігі­нің тап­сырмасына сәй­кес бағ­дар­ламаның 2012-2014 жыл­дарға арналған жоспарлы көр­сеткіштері қалып­тас­тырылу­да. Өңірдегі жұ­мыс­­сыз­дар қата­рын азайтып, өз бетінше жұмыс­пен қамтыл­ған, аз қам­тамасыз етілген азаматтардың жағдайын жақсартуға ерекше ық­пал ету осылай жү­зе­ге асырылуда. Күмісжан БАЙЖАН, Алматы облысы.