Дерек пен дәйек

59 850 000 000 Үстіміздегі жылдың алты айында облыста осыншама теңгенің өнеркәсіп өнімі өндірілді. Бұл өткен жылдың тиісті кезеңімен салыстырғанда 162,1 миллиард теңгеге көп. Мұның өзі өңірде эконо­ми­каның тұрақты және үде­ме­лі дамуына берік негіз қалан­ғанын көрсетеді. Биыл жүзеге асы­ры­латын 53 үдемелі ин­дус­трия­лық-инновациялық жобаны іске қосу бұл жұ­мысқа біраз серпін береді деп күтілуде. Оның 28-і индус­триялық даму картасы ая­сын­да жүзеге асырылмақшы. Қа­зірдің өзінде он жоба пай­да­лануға берілді. Биыл жаңадан 10,4 мың жұмыс орны ашы­ла­ды деп күтілуде. Осындай жос­пар­лы жұмыстарды жү­зе­ге асы­ру нәтижесінде өнеркә­сіп өндірісі көлемін жыл ая­ғын­да 1 трлн. 200 миллиард тең­геге жеткізу көз­делуде. Сатыбалды СӘУІРБАЙ, Ақтөбе облысы.   246 000 000 «Шарықтас» кәсіпорны өткен жылы осыншама теңгенің өнімін өндірді «Шарықтас» кәсіп­орны­ның не­гізгі қызметі табиғи тасты өн­діру мен өңдеуге негізделген. Ита­лияның «Pedrini» жә­не «Mon­levi» фирмаларының құ­рал-жаб­дықтарын пайда­лан­ған өндіріс орнының өніміне сұраныс жоға­ры. Тасты өңдеу, қашау, кесу, жиектеу, жылты­рату тәрізді жұмыс­пен 70 адам шұғылданады. Зауыттың өнім шығару кө­лемі жыл сайын артуда. Мұн­дағы жылдық жоспар 1072 шар­шы метр гранит, 413 шар­шы метр мәрмәр және 38 мың шар­шы метр жол көмкер­ме­ле­рін шы­ғару. Өткен жылы 246 млн. теңгенің сапалы өнімі тұ­тынушыға жол тартса, биыл­ғы 6 айда 42 млн. теңгеге жу­ық өнім өндіріліпті. Негізгі шикізат Күрті кенішінен тасымалданса, грабро Ша­­жа және Балқаш пен Қор­дай кеніш­терінен әкелінеді. Күмісжан БАЙЖАН, Алматы облысы.   194 000 000 Атырауда жыл басынан бері осыншама теңгенің ауыл шаруашылығы өнімдері сатылған 191 жәрмеңке өткізілді Облыс әкімі Бер­гей Рысқа­лиев «Атырау» әл­еу­меттік-кә­сіпкерлік корпор­а­ция­сына бюд­жет қаржысына са­тып алынған тауарларды халық­қа ұсынатын арнайы сауда нүк­телерін ашуды тапсырған еді. Әкімнің орын­ба­сары Серік Ай­дарбековтің ай­туынша, бұл күн­дері 12 түрлі тауар «Көктем», «Насиха», «Дина» базарлары, сон­дай-ақ «Идеал», «Атаба» супермаркеттеріндегі сауда нүкте­ле­рінде са­тылып келеді. Әр апта­ның сенбі, жексенбі күндері ауыл шаруа­шы­лығы өнімдерін делдалсыз және орын ақысыз сататын 191  жәр­меңке өткізіліпті. Осы шара ба­рысында халыққа 194 000 000 теңгенің ауыл шаруашылығы тау­ар­лары сатылған. Жолдасбек ШӨПЕҒҰЛ, Атырау облысы.