Аймақтар • 12 Тамыз, 2021

Атырауда қанша адам тұрады?

449 рет көрсетілді

Мұнайлы Атырауға өзге өңірлерден де, шетелдерден де келуші көп. Бірі – вахталық жұмысты, өзгелері кәсіпкерлікті мұрат тұтып келеді. Ал қазыналы өңірде кіндік қаны тамып, тұрақтаған тұрғындар саны қанша?

Ұлттық статистика бюросы Аты­рау облысы бойынша департа­мен­ті­нің басшысы Ғаля Мұханғалие­ва­ның айтуынша, халық санағына дайын­дық кезеңі 1-30 маусым аралы­ғында өт­кізілген. Оған 170 адам тар­тылыпты. Олар тұрғын үйлердің, ғимараттар мен тұр­ғын емес үй-жай­лардың тізі­мін жасақтап, тұрғын­дардың санын алдын ала нақтылауды іске асырды.

– Ұлттық статистика бюро­сы­ның «Аудандастыру» автомат­тан­­дырылған ақпараттық жүйесіне Аты­­­рау облысынан 176 389 нысан енгі­­зілді. Аралау жұмыстарының қо­ры­тындысымен 175 641 нысан анықталды. Жоспарлы нысандардың 99,6 пайызы қамтылды. Қате нысан­дар­дың саны – 2 178. Өңірде 149 негіз­гі тіркеу учаскесінен бөлек арнайы ұйымдарда 139 нысан қалып­тас­ты­рылды. Онда тұрақты тұратындар­дың саны 2 877 адамды, 11 369 тө­сектік орынды құрады. Осылайша, анық­талған нысандардағы тұрғындар саны арнайы ұйымдарда тұрақты тұра­­тын­дарды қоса алғанда 664 493 адам­ды құрап отыр, – дейді Ғ.Мұхан­ғалиева.

Оның айтуынша, халық санағына дайындық кезеңін өткізу кезінде бірқа­тар қиындық туындапты. Әсі­ресе, санақ персоналының жауапсыз­дығы мен немқұрайлығы, көше атау­­лары мен үй нөмірлері ілінген анш­лаг­тардың жоқтығы қиындық туғыз­ған. Сондай-ақ облыстық сәулет және қала құрылысы басқармасы тара­пынан ұсынылған елді мекен­дер­дің схемалық картасында кейбір нысан­дардың белгіленбеуі, кейбір үй шаруашылықтарының санақтан бейхабар болуы жұмысқа кері әсерін тигізіпті.

– Ұлттық халық санағының негізгі кезеңінде 913 адам уақытша жұмыс­қа тартылады. Оның ішінде 114 нұсқаушы-бақылаушы мен 799 интервьюер бар, – деп мәлім етті ол.

Бұл мәселе облыс әкімі Махамбет Досмұхамбетовтің де назарын аударды. Әкім аталған кемшіліктерді жойып, қала, аудан әкімдеріне халық санағына қолдау білдіру қажеттігін тапсырды.

– Интервьюерлерді вакциналау­дан өткізу қажет. Мамандардың қауіп­­сіздігі үшін учаскелік полиция қыз­мет­керлерімен бірлесе аралауды ұйым­дастыру, санақ персонал­дарын қажетті орын-жаймен, керек-жа­рақ­пен қамтамасыз ету қажет. Нұс­қау­шы-бақылаушылар мен маман­дар­дың қо­ғамдық көлікте тегін жүруі қарастырылады, – дейді облыс әкімі.

Атырау облысы

 

Соңғы жаңалықтар

ПИК пен МИБ-тің «шайқасы»

Қазақстан • Кеше

Көлікқұмарларға арналды

Экономика • Кеше

Қымбат ем-дом қолжетімді

Медицина • Кеше

Өлке тәжі – Өлеңті

Аймақтар • Кеше

Ақшоқыда арқар атқан...

Аймақтар • Кеше

Ұқсас жаңалықтар