Пікірлер
Мемлекет басшысы Қасым-Жомарт Тоқаев еліміздің бас басылымы «Егеменде» жарық көрген «Тәуелсіздік бәрінен қымбат» атты мақаласын: «Тәуелсіз ел болу оны жариялаумен немесе мемлекеттің іргетасын қалаумен шектелмейді. Тәуелсіздік үшін нағыз күрес күнделікті еңбекпен, үздіксіз әрі дәйекті елдік саясатпен мәңгі жалғасады. Біз қуатты тәуелсіз мемлекетімізбен ғана ұлт ретінде жер бетінде сақталамыз. Осы айнымас ақиқатты берік ұстануымыз қажет. «Тәуелсіздік бәрінен қымбат!» деген бір ауыз сөз мәңгі ұранымыз болуға тиіс» деп аяқтапты.
07 Қаңтар, 2021
Төртінші онжылдықтың тұжырымдамасы
Қазақстан Президенті Қасым-Жомарт Кемелұлы Тоқаевтың ел газеті «Егеменде» жарық көрген «Тәуелсіздік бәрінен қымбат» атты бағдарламалық мақаласы еліміздің жүріп өткен отыз жыл ішіндегі жеткен жетістіктері ғана емес, жарқын болашағы туралы байсалды талдау жасауымен де қоғамдық санаға сілкініс жасап, ұлтқа бағдар беретін тұжырымдамалық сипатымен оқырманға ой салды. Сондықтан бұл құнды құжатты бүгінгі белесімізді бағамдаған, болашағымызға бағдар берген, қоғам құндылықтарын таным мен талғам таразысынан толғаған, ұлтты ұраншылдыққа емес, ұстамдылыққа үндеген ұлағатты мақала деуге негіз бар.
06 Қаңтар, 2021
Әлемді індет жайлағалы тығылып той жасағандар мен көпшілік жиып ас бергендерді естігенде қынжылып, «20 миллионға жетпейтін алақандай халқымыздың түрі мынау, ал 80-100 миллион, тіпті халқы одан да асатын елдердің жұрты дәл біздегідей қалыпта өздерін ұстаса не болады?» деп ойлайтынбыз.
05 Қаңтар, 2021
Жақсы бастама жалғасуымен бағалы
Биыл елімізде «Волонтер жылы» болып жарияланғаны белгілі. Осындай кезеңде пандемияның қатар келуі еліміздегі еріктілердің сын сағаты болды десек артық айтқандық емес. Бүкіл әлем бетперде киіп, үйге тығылып отырғанда еліміздің түкпір-түкпірінде волонтерлер тұрмысы төмен, мүмкіндігі жоқ отбасыларға азық-түлік жеткізіп беруге, ауыр сынақты жеңілдетуге жәрдемдесті.
29 Желтоқсан, 2020
Еліміз тәуелсіздікке қол жеткізген отыз жылға жуық уақыт ішінде бір ауыз қазақша үйренуге жарамаған кей отандастың жан-бейнесіне үңілгенде, сонау бір жылдары Жапонияда өткен Қазақстан мәдениеті мен өнері күндері жобасы жадымызда еріксіз қайта жаңғырады.
29 Желтоқсан, 2020
Әйгілі француз ойшылы Жан-Жак Руссо «Мықты мемлекеттің кепілі – өз азаматтарының тыныштығын қамтамасыз ете алуында» деген екен. Осыған үндес сөзді Елбасы Нұрсұлтан Назарбаев та «Мемлекетте бейбітшілік пен тыныштық сақталған жағдайда ғана дамудың даңғыл жолы ашылады» деп үнемі айтумен келеді. Сол сияқты қазақтың үлкен ақыны Мұқағали Мақатаев «Ұқсайды бар тыныштық жер бетінде, Ұйқыдағы сәбидің келбетіне...» десе, тәуелсіздік төлі, жас жыршы Мирас Қадырмұрат бауырымыз: «Аллаға мәлім, ризықтан бұрын тыныштық, Ризықтан бұрын тыныш таңдардың мұңы ыстық, Атадан қалған ат басты алып алтыннан, Бағалы елге тыныштық деген күміс құт» деп жырлапты.
25 Желтоқсан, 2020
Бала кезде әжемнен естіген аңыз, ертегілердің әсері ме екен, кейде адамзат мекен етіп отырған жұмыр жерді алып қара өгіз бейнесінде елестетемін. Кәдімгі жаны бар, сезімі мен түйсігі бар қара өгіз.
24 Желтоқсан, 2020
Жыл сайын Тәуелсіздік күні жақындағанда аңсаған азаттыққа қол жеткеніне, осы бақыттың бізге бұйырғанына шүкіршілік етемін. Болашаққа аманаттайтын тәу етер асылымыз – Тәуелсіздік тұғыры биіктей берсе екен деуден жаңылмаймын.
22 Желтоқсан, 2020
Тұлғатану төңірегіндегі түйткілдер
Тұғырлы тұлға ғұмырлы тарихты жасаса, тарлан тарих та тегеурінді тұлғаны тудырады. Дәуір тегершігі айналған сайын тау тұлғалардың керуен жолы аласармай, алыстай түсіп, асқақтай береді. Өйткені адамзат тарихында артына өшпес мұра қалдырып, өркениет көкжиегін кеңейтуге үлес қосқан тұғырлы тұлғалардың болашақ ұрпақ үшін жол бастар темірқазық екені айқын. Ал біздің тарихымыз тұлғаларға кенде емес.
11 Желтоқсан, 2020
Сырттан «күл-қоқыс» тоқтаусыз үрленіп, қолқамызды бітеуде, бірақ оған қарсы әрекетіміз жоқтың қасы. Тіпті тыстан енген «шаң-тозаңға» бойымыз үйреніп кеткені соншалықты, оны таза ауадай қабылдайтын болдық. Бұл рухани әлеміміздің қорғаныс қабілеті өте әлсіз екенін, рухани шекарамыздың ашық-шашық жатқанын аңғартса керек.
10 Желтоқсан, 2020
Қазір қалта телефонымызда қажетті дүниенің бәрі бар. Дүкенге барып сауда жасаймыз. Бұрынғыдай әмиянды ұстамайтын да болдық. Банктің несиесін де бір орыннан қозғалмай отырып-ақ өтей береміз. Банк бөлімшесіне шабылудың қажеті жоқ. Жол жүру немесе концерттік кештердің билеттерін де телефонға үңіліп отырып сатып аламыз.
08 Желтоқсан, 2020
Әділдік – әр істің құдайшылығы
Он бірінші сыныпқа көшер шағымыз. Алғаш рет жеке куәлігімді алуға барып, аудан басын дүрліктіргеніміз бар. Тиісті мекеме маңында он бес күн жүрдік. Қарақұрым халық, бітпейтін кезек. Ақыры араға таныс полицейді салып, шаруаны сырт айналып тындырдық.
04 Желтоқсан, 2020
Адамның өміріне ойы мен пейілінің ерекше әсер ететіндігін жиі естиміз. Психолог мамандардың айтуынша, адам әр сағат сайын жымиып, бақытты жанның кейпіне еніп тұруы керек екен. Көңілге осындай сезім орныққан сәтте ғана жүйке мен ми қалыпты ырғақта үйлесіп, жақсы жұмыс істей бастайтын көрінеді.
30 Қараша, 2020
Түгел түркінің тұғырлы тұлғасы
Алып бәйтеректей терең тамыры құрлықтарға жайылған түркі әлемін ғасырлар тоғысында түрлендіріп түлеткен, осылайша бауырластыққа жаңаша бай мазмұн берген, түркі интеграциясының архитекторы, Елбасы Нұрсұлтан Назарбаев екені жалпақ жаһанға белгілі.
30 Қараша, 2020
«Қараша, желтоқсан мен сол бір екі ай...»
Ұлы Абайдың асыл мұрасы біз үшін баға жетпес рухани азық. Ол – ұлтымыздың жаңа болмысын айқындауға қажетті құндылық. Мәселен, Абайдың 1888 жылы жазған бұл өлеңі, негізінен пейзаж лирикасы дегенімізбен, оның әлеуметтік әлеуеті жоғары туынды. Онда мал өсіруге бейімделген қазақ ауылының күз бен қыс кезеңіндегі шаруашылық әрекеті, тіршілік тәсілі мен табиғи ортаға әбден бейімделе білген адамдардың мінезі, табиғат пен адам қимылының үндестігі нақты және тұтас бейнеленген.
27 Қараша, 2020
Тыныштықтың темірқазығы – толеранттылық
Бүгінгі тынышсыз әлем, «ыстық нүктелердің», қақтығыс алаңдарының көбейе түскені, олардың жаһандық саяси-экономикалық үрдістерге жағымсыз әсерлерінің ауыр салдарлары өзгенің наным-сеніміне, өмірлік ұстанымына, сондай-ақ көзқарастар мен құндылықтардың әртекттілігіне өз деңгейінде түсіністікпен қарай білмейтініміздің нақты көрінісі тәрізді. Оның үстіне әлемнің бір кереметі – ондағы тіршіліктердің, қозғаушы күштердің, құндылықтардың әртектілігінде екенін қаперден шығарып алғандаймыз.
25 Қараша, 2020
Қазақ жері ұлан-байтақ. Сондықтан сол керіліп жатқан кең өлкеге қоныстанған халықтың түрлі өңірлерінде бір сөзді өзгешелеу айтатынының да заңдылығы бардай көрінеді. Солай қабылдайсың да. Алайда ғасырлар бойына ұлттық құндылық саналатын сусынның төресі – қымызды ашыту технологиясының бар қазаққа бірдей екені аян. Желіге бие байлап, сапырып сары қымыз ішуді қаламайтын қазақ аз болар.
24 Қараша, 2020
Платон данышпан: «Игіліктің төрт түрі бар», – деген екен. Олар: жүректілік, данышпандық, естілік және әдептілік. Осы қағиданың біз бүгін тек біреуіне ғана, яғни әдептілік жайына тоқталғымыз келіп отыр. Оған себеп, кейінгі кезде жақсы мен жаманның аражігін ажыратпай, мәселенің ақ-қарасын білмей тұрып, біреуді сырттай сыдырта сөге сөйлеу, сынап-мінеу, нәпсінің азғыруына еріп, жалған, лепірме, бос сөзге ерік беру секілді халықтық қалыбымыз бен қазақы әдебімізбен үш қайнаса сорпасы қосылмайтын жат құбылыстар тым белең алып барады.
20 Қараша, 2020
Ұлыбритания ауқатты елдің бірі саналады. Тұманды Альбион ішкі жалпы өнім көлемі бойынша әлемде бесінші орында тұр. Тауар сатып алуға қабілеті жөнінен де ағылшындар топ басында. Қысқасы, әлеуметтік тұрғыда жақсы қамтамасыз етілген. Әрине, мұның экономикалық себептері көп. Бірақ ең бастысы, халықтың өмір салтына, атап айтқанда, ұйықтау мәдениетіне тікелей қатысты.
18 Қараша, 2020
Мына әңгімені жақында белгілі журналист Қуаныш Нұрсадықовтан естідік. Сонау ел ішінде дүрбелең тудырған 1937-1938 жылдары ауыл белсендісі атанып жүрген атасы Нұрсадық «жапон тыңшысы» деген жаламен жазықсыз сотталып, Иркутск облысындағы Канск деген қалаға жер аударылады.
17 Қараша, 2020
